Karcinoma pulmonare është neoplazia me normën më të lartë të incidencës dhe vdekshmërisë në botë (1,35 milionë raste të reja në vit dhe 1,18 milionë vdekje), me frekuencë më të lartë në Shtetet e Bashkuara të Amerikës dhe Europë. Në Shtetet e Bashkuara, në vitin 2006 karcinoma pulmonare është diagnostikuar në 60 persona për çdo 100.000 banorë; në të njëjtën periudhë kanë vdekur nga ky tumor rreth 52 njerëz për çdo 100.000 banorë. Në Itali, në vitin 2004 kanë vdekur 32.840 persona nga karcinoma pulmonare. Në periudhën midis viteve 1998 dhe 2002, karcinoma pulmonare për nga frekuenca  u rendit e treta për seksin mashkull dhe e katërta për seksin femër. Për sa i përket vdekshmërisë, karcinoma pulmonare përfaqëson shkakun kryesor të vdekshmërisë tek meshkuj dhe të dytin tek femrat (pas kancerit të gjirit). Në 90% të rasteve shkak është pirja e duhanit, faktorë të tjerë rreziku janë ekspozimi ndaj asbestit dhe ndotja. Janë identifikuar mutacione në onkogjenet ras dhe myc dhe në gjenin supresor p53.

Njihen lloje të ndryshme karcinomash:
- karcinoma bronkogjenike e epitelit respirator;