shk72017
Tetë barna të reja rekomandohen nga EMA, mes të cilave dy biosimilarë
Në mbledhjen e janarit, Komiteti i Barnave për Përdorim njerëzor (CHMP) i Agjencisë Evropiane të Barnave (EMA), ka rekomanduar aprovimin e tetë barnave të reja, mes të cilave dy biosimilarë. Bëhet fjalë për amgevita e solymbic. Të dyja përmbajnë adalimumab, një antitrup monoklonal njerëzor që njihet si antigjeni Tnf-alfa dhe përdoret për të reduktuar dhimbjen dhe flogozën në disa sëmundje artritike. Dy biosimilarët kanë pra indikime në pjesën më të madhe të rasteve të ngjashme: artrit reumatoid, spondiloartrit aksial, artrit psoriatik, psoriazë, hidradenitis supurative, sëmundja e Crohn, kolit ulçeroz dhe uveitis.
Për trajtimin e artritit reumatoid, CHMP ka dhënë dritën jeshile edhe për tofacitinib, në administrim oral. Bari është aprovuar nga FDA në Shtetet e Bashkuara që në vitin 2012.
CHMP ka rekomanduar edhe tregtimin e një bari hibrid, substanca aktive e të cilit është methotrexate, një antagonist i sintezës së acidit folik që vepron në përgjigjen imunitare: indikimet janë për trajtimin e çrregullimeve reumatologjike dhe psoriazën dhe si trajtim mirëmbajtës për leuceminë limfoblastike akute.
Dy brande dhe dy barna gjenerike morën opinion pozitiv për tregtim. Umeclidinium indikohet për pacientët me bronkopneumopati kronike obstruktiva (Bpko), ndërsa tadafil për trajtimin e disfunksionit erektil dhe të shenjave e simptomave të hiperplazisë prostatike beninje. Të dy gjenerikët kanë si principe aktive miglustat për trajtimin e sëmundjes Gaucher dhe daptomicinën, një antibiotik i përdorur për disa infeksione të shkaktuara nga organizma Gram-pozitive.
Në fund u dha një opinion në favor të shtrirjes së indikimeve për dy produkte, revlimid dhe synjardy.