nën212018

Karcinoma hepatoqelizore. Europa aprovon trajtimin novator

Artikuj lidhur

27-09-2018 | Karcinoma hepatoqelizore. CHMP-ja jep mbështetjen e tij për cabozantinibin

21-04-2022 | Kanceri i mushkërive dhe lupusi eritematoz sistemik. Risitë e rëndësishme farmakologjike të miratuara në Evropë

24-03-2022 | Kanceri i gjirit metastatik, pas menopauzës. Efikasiteti i ribociclibit dhe terapia endokrine

Komisioni Europian ka aprovuar cabozantinibin 20, 40, 60 mg si monoterapi për karcinomën hepatoqelizore (HCC) te të rriturit që janë trajtuar më parë me sorafenib. Këtë e bën të ditur Ipseni, që nënvizon se aprovimi jep leje për tregtimin e cabozantinibit për këtë indikacion.

"Aprovimi i cabozantinibit nga ana e Komisionit Europian ofron një mundësi të re, të nevojshme për pacientët me karcinomë hepatoqelizore. Deri më tani, mjekët në Europë kishin në dispozicion vetëm një terapi të aprovuar për trajtimin e linjës së dytë të këtij tumori agresiv dhe të vështirë për t'u trajtuar. Jemi krenarë që prezantojmë cabozantinibin si një trajtim novator që ka demonstruar se e zgjat jetën e pacientëve me karcinomë hepatoqelizore, të trajtuar më parë", konfirmon Harout Semerjian (Ipsen).

Philippe Merle, M.D., Ph.D., specialist i Hepatologjisë dhe Gastroenterologjisë pranë Spitalit të Kryqit të Kuq në Lion, shton: "Pacientët me karcinomë hepatoqelizore në Europë mund të përfitojnë nga një trajtim që, në studimin CELESTIAL, është shfaqur efikas në zgjatjen e jetës dhe vonimin e përparimit të sëmundjes. Është një zhvillim shumë inkurajues për pacientët me karcinomë hepatoqelizore dhe u ofron specialistëve një opsion të ri terapeutik për trajtimin e kësaj patologjie komplekse".

Aprovimi i Komisionit Europian, bazohet në rezultatet e studimit regjistrues të fazës 3 global, CELESTIAL, i kontrolluar me placebo, që ka kënaqur endpointin primar në mbijetesën e përgjithshme me cabozantinib, që ka treguar një përmirësim statistikisht dhe klinikisht domethënës në mbijetesën e përgjithshme, krahasuar me placebon, te pacientët me karcinomë hepatoqelizore të përparuar, që më parë janë trajtuar me sorafenib. Në korrik 2018, rezultatet e studimit të fazës 3, CELESTIAL, janë publikuar në "New England Journal of Medicine".