jan202020
Karcinoma uroteliale. FDA-ja aprovon llojin e ri të terapisë
Administrata Amerikane e Barnave dhe e Ushqimit, ka vendosur të bëjë aprovim të përshpejtuar të një lloji të ri terapie, për trajtimin e karcinomës uroteliale lokalisht të përparuar apo metastatike. Medikamenti Padcev (enfortumab vedotin-ejfv), indikohet për pacientët e rritur, të trajtuar më parë me një inhibitor Pd-1 o Pd-L1 dhe kemioterapi që përmban platin.
Aprovimi bazohet në rezultatet e një studimi klinik që ka përfshirë 125 pacientë me karcinomë uroteliale lokalisht të përparuar apo metastatike. Norma e përgjigjes së përgjithshme, që reflekton përqindjen e pacientëve te të cilët është vënë re një kontraktim i tumorit, ka rezultuar 44% (12% përgjigje e plotë dhe 32% përgjigje e pjesshme) dhe kohëzgjatja mesatare e përgjigjes ka qenë 7,6 muaj.
Efektet e padëshirueshme më të zakonshme kanë qenë lodhja, neuropatia periferike, rënia e oreksit, erupsionet kutane, alopecia, nauzea, ndryshimet në shije, diarreja, thatësia okulare, të kruarat dhe tharja e lëkurës.
"Padcevi përfaqëson një lloj të ri terapie, konjugimin e një antitrupi direkt kundër nectinës-4 dhe një inhibitor të mikrotubulave, thuhet në faqen e AIFA-s. Bari merr në shënjestër molekulën e adezionit qelizor nectina-4, që është tepër e shprehur në tumoret uroteliale".