kor122014

EAHP: për zhvillimin e App mbi barnat nevojitet mbikqyrja dhe ekspertiza e farmacistit

Çdo aplikacion për smartphone ose tablet dedikuar shëndetit që flet për barnat dhe përdorimin e tyre duhet të jetë nën mbikqyrjen rregullatore të ekspertizës së farmacistit për të garantuar sigurinë. Ky është pozicioni i Shoqatës Europiane të Farmacistëve Spitalorë (EAHP) në diskutimet e hapura nga Komisioni Europian lidhur me temën e App dedikuar shëndetit. EAHP thekson se në rang spitalor teknologjitë e reja kanë qënë gjithmonë shumë të pranishme dhe përdorimi i tyre është i dobishëm dhe është kuptuar se këto aplikacione duhet të studiohen që në fazat e para dhe që qeveritë dhe profesionistët e shëndetit duhet ta drejtojnë zhvillimin dhe realizimi e tyre. Një shembull për të treguar vështirësinë e menaxhimit të barnave, rasti i barnave që vendosen në komodinën e shtratit të pacientit të shtruar kur ende nuk përmbajnë një kod identifikues. Në lidhje me App që po përfshihen në çdo proçes që përfshihen barnat, Roberto Frontini, Presidenti i Shoqatës komenton "pasojat e një gabimi të mundshëm në hartimin e aplikacionit janë të tëmerrshme". Ai shton "Të gjitha barnat mund të dëmtojnë në qoftë se nuk merren si duhet. Prandaj ne rekomandojmë që farmacistët të përfshihen në zhvillimin dhe testimin e këtyre aplikacioneve, siç u tha tashmë në deklaratat e European Statements of Hospital Pharmacy në përputhje me organizatat e pacientëve dhe profesionistëve të tjerë të shëndetit. Teknologjia mund të ofrojë shumë por pa një vizion të pasojave të mundshme dhe koordinim të zhvillimit, shumë shpesh nuk realizohen synimet".