shk162015

MHRA sekuestron doza GcMAF të shitura online

Agjencia rregullatore britanike "Medicines and healthcare product regulatory agency" (MHRA), ka lëshuar një paralajmërim të rëndësishëm për këdo që ka blerë GcMAF (Globulin component macrophage activating factor), një ndërmjetës i sistemit imunitar i etiketuar si "First Immune", i palicencuar dhe i shitur online në internet, si një ndihmës në trajtimin e sëmundjeve të caktuara si: tumore, infeksioni HIV, autizëm dhe të tjera të tjera sëmundje si pasojë e ndryshimeve në sistemin imunitar. Gjatë inspektimit brenda selisë së prodhimit të GcMAF në zonën e Kembrixhit, hetuesit e MHRA-së zbuluan se kjo proteinë sintetizohej duke përdorur derivate të gjakut të ndaluara për përdorim njerëzor e gjithashtu të ndaluara edhe për prodhimin e barnave. Drejtuesit e agjencisë britanike u kanë bërë thirrje të gjithë personave që kanë blerë GcMAF përmes internetit, që të kontaktojnë me mjekun për të marrë masat e nevojshme. Proteina GcMAF është një faktor aktivizimi i makrofagëve, qelizat esenciale në përgjigjen imune, i eksperimentuar në disa studime klinike në Shtetet e Bashkuara dhe në Japoni si një frenues i zmadhimit të tumorit në fazën e avancuar në kancerin e gjirit dhe kancerin e zorrës së trashë për të reduktuar numrin e viruseve që qarkullojnë në infeksionet HIV.
Në këto studime që kanë ngjallur disa dyshime metodologjike është supozuar se infuzion i GcMAF mund të rivendosë funksionimin e duhur të sistemit imunitar, duke rritur shpresat për pacientët, por pa mbledhur prova për efikasitetin dhe sigurinë e nevojshme që do të mundësonin dritën jeshile nga autoritetet evropiane përgjegjëse për kontrollin e barnave. Duke konstatuar mungesën e sterilitetit në procesin e prodhimit dhe dështimin në përmbushjen e standardeve të "Good manufacturing practice" (Gmp), MHRA ka vendosur mbylljen e qendrës së prodhimit në Britani dhe sekuestrimin e më shumë se 10.000 flakonëve GcMAF. Në faqe të ndryshme interneti, megjithatë produkti është ende në shitje. Nga sa u tha më sipër përdorimi i tij mund të përfaqësojë një rrezik serioz shëndetësor. Detyra e farmacistëve në këtë rast është që të informojnë, tutelojnë dhe të paralajmërojnë pacientët që blejnë produkte me efekte të dyshimta terapeutike në internet.