Agjencia Evropiane e Barnave (EMA) ka ndërmarrë një rivlerësim të elementeve të mbledhura gjatë këtyre viteve të fundit lidhur me menaxhimin e rasteve të leukoencefalopatisë multifokale progresive, një reaksion i rrallë i shkaktuar nga terapia me natalizumab (antitrup monoklonal njerëzor i aprovuar për trajtimin e disa formave rezistente të sklerozës së shumëfishtë periodike dhe disa sëmundjeve të tjera autoimune). I administruar në rrugë endovenoze, natalizumab ndërhyn me pasazhin e limfociteve në sistemin nervor qendror duke penguar qelizat e sistemit imunitar që të luftojnë myelininën dhe progresionin e sklerozës së shumëfishtë. Që në shkurt të 2005-ës kompania prodhuese kishte pezulluar me vullnetin e saj shitjet e natalizumab-it sepse gjatë eksperimentimit u shfaqën disa raste me leukoencepalopati multifokale progresive (infeksion cerebral i rëndë në disa raste vdekjeprurës).
Për këtë motiv, edhe pse bari është emetuar në treg në 2006-ën, mbetet nevoja për të monitoruar me kujdes pacientët të cilëve iu është përshkruar. Monitorimi duhet të kryhet në prani të disa faktorëve si: zgjatje në kohë e trajtimit me të për më shumë se dy vjet, injektim i parakohshëm i barnave imunosupresive mes të cilëve interferoni ( i përdorur në sklerozën e shumëfishtë) dhe pozitiviteti ndaj testit të virusit të leukoencefalopatisë.
Në dritën e të dhënave të mbledhura gjatë këtyre viteve, EMA e ka gjykuar të nevojshëm rivlerësimin e metodës së përdorur deri më tani për minimizimin e risqeve të asociuara nga trajtimi me natalizumab. Rezultatet e këtij studimi të thelluar që priten të dalin në shtator, mund të ndryshojnë masat paralajmëruese të përdorimit dhe elemente të tjera të lidhura me autorizimin e emetimit në treg të natalizumab-it.
Pse i intereson farmacistit: skleroza e shumëfishtë është shumë e përhapur në nivel botëror dhe është e rëndësishme qe farmacistët të njohin risqet e terapive në dispozicion në mënyrë që të informojnë drejt pacientin.