shk192021
Sars-Cov2. Heparina arrin të frenojë proteinën kunj të virusit
Një studim i botuar në "Thrombosis and Haemostasis", i nënshkruar nga një grup ndërkombëtar studiuesish të koordinuar nga Universitetet e Liverpulit dhe Keeles në bashkëpunim me Shëndetin Publik Angli, tregon se heparina frenon proteinën kunj të Sars-CoV-2, duke zbehur aftësinë e virusit për t'u bashkuar me qelizat njerëzore dhe për t'i infektuar ato.
"Antikoagulanti i njohur bashkëvepron me proteinën kunj në sipërfaqen e coronavirusit, duke destabilizuar strukturën e tij dhe duke mos e lejuar të lidhet me receptorin Ace 2 te njerëzit", shpjegon bashkautori Jeremy Turnbull (Universiteti i Liverpulit), duke kujtuar se studimet e mëparshme treguan që heparina është në gjendje të futet në sipërfaqen e proteinës kunj dhe se heparinë jo-e fraksionuar (por jo ajo me peshë të ulët molekulare), mund të pengojë infektueshmërinë qelizore në doza të ngjashme me ato që përdoren aktualisht në mjedisin klinik si antikoagulant.
"Këto të dhëna mbështesin provat klinike të kryera me heparinën jo-të fraksionuar të nebulizuar", shkruajnë studiuesit, duke shtuar se rezultatet e marra janë emocionuese, pasi heparina mund të përdoret shpejt për të ulur përparimin e sëmundjes Covid-19, ose ndoshta edhe si profilaksi, te pacientët me rrezik të lartë, të tillë si personeli mjekësor dhe punonjësit e kujdesit shëndetësor. Por jo vetëm.
Sipas autorëve, duhet vlerësuar gjithashtu mundësia e studimit të përbërjeve të reja që imitojnë heparinën dhe të cilat mund të jenë efektive kundër Sars-CoV-2. "Ne e dimë që heparinat frenojnë një numër virusesh të tjera, kështu që studimi i këtyre barnave mund të ofrojë strategji të reja terapeutike dhe ndoshta një vijë të parë të mbrojtjes kundër kërcënimeve virale në të ardhmen, për shembull, gjatë zhvillimit të vaksinave", thotë Mark Skidmore (Universiteti Keele), bashkautor i artikullit, duke theksuar nevojën urgjente për trajtime të reja kundër virusit Sars-CoV-2. Dhe heparina, me profilin e saj të njohur të sigurisë klinike, është sigurisht një mundësi interesante.
Thromb Haemost 2020. Doi: 10.1055/s-0040-1721319
http://doi.org/10.1055/s-0040-1721319