Covid-19. Aprovohet në Kanada, vaksina e parë bimore

tags: VAKSINAT, coronavirus, Covid-19, varianti delta, Omicron, variant

Artikuj lidhur

05-04-2022 | Mutacioni i ri Covid, mbërrin në Shqipëri. Konfirmohen rastet e para me Omicron Ba2

10-03-2022 | Covid-19 në hundë dhe fyt. Arsyet e infektueshmërisë më të madhe të Omicronit

12-01-2022 | Varianti Omicron. Kur me modesti nuk përmendim frikën, por kujdesin

Health Canada (Agjencia Federale Kanadeze e Asistencës Shëndetësore) ka dhënë miratimin për COVIFENZ®, një vaksinë COVID-19 rekombinante adiuvate me grimca të ngjashme me virusin (VLP), me origjinë bimore, e indikuar për imunizimin aktiv që synon parandalimin e COVID-19 tek individët nga mosha 18 deri në 64 vjeç. Vaksina u zhvillua bashkërisht nga Medicago Inc., një kompani biofarmaceutike në pronësi të Mitsubishi Chemical dhe Philip Morris, me bazë në Kebek dhe GlaxoSmithKline Plc. adjuvanti i të cilit përdoret për të rritur përgjigjen imune. Ky është miratimi i parë i një vaksine bimore që ndodh ndonjëherë në botë.

Regjimi i vaksinimit përbëhet nga dy doza të administruara në rrugë intramuskulare 21 ditë larg njëra-tjetrës (3,75 mikrogramë antigjen CoVLP në kombinim me adjuvantin pandemik GSK në të njëjtin injeksion). Agjencia kanadeze e shëndetësisë ka bërë të ditur se vaksina është miratuar për njerëzit e moshës 18 deri në 64 vjeç.

Ky kombinim ka rezultuar 75.3% efektiv kundër zhvillimit të Covid-19 për shkak të variantit Delta të virusit në një studim të avancuar të fazës 3 që përfundoi në dhjetor. Efikasiteti kundrejt shtrimit në spital ishte 81%. Vaksina shfaqi gjithashtu 71% efektivitet të përgjithshëm në infeksion kundër të gjitha varianteve të coronavirusit, përveç Omicronit, i cili nuk ishte në qarkullim kur po zhvillohej studimi. Megjithatë, kompania ka paralajmëruar teste të shkurtra edhe kundër këtij varianti.

Covifenz-i përdor një teknologji të njohur si grimcat e ngjashme me virusin (VLP), të cilat përbëhen nga proteinat Spike që imitojnë strukturën e coronavirusit, por nuk përmbajnë material gjenetik prej tij. VLP-të prodhohen në gjethet e bimëve dhe vaksina përfundimtare përfshin një adjuvant GSK që tashmë është shfaqur i sigurt në vaksina të tjera të licencuara. Vaksina mund të mbahet në temperatura 2-8 gradë celsius.

Efektet anësore të vaksinës Medicago nuk devijojnë nga ato të vaksinave të tjera të miratuara, duke përfshirë dhimbjen në krah, skuqjen dhe ënjtjen në vendin e injektimit, temperaturën dhe çdo efekt tjetër të zakonshëm ose të rrallë negativ të njohur.