Mjeku infeksionist, Pëllumb Pipero, është infektuar me coronavirus. Rezulton pozitiv 14 ditë pasi mori dozën e parë të vaksinës Pfizer

tags: VAKSINAT, Pfizer, coronavirus, Covid-19

Artikuj lidhur

27-01-2021 | Shumë shpejt, një tampon i dytë për mjekun Pipero

12-01-2021 | Vaksinimi anti Covid. Sasia e parë prej 975 vaksinash do të përdoret për t'u injektuar të dyja dozat mjekëve të spitaleve Covid

10-12-2020 | Vaksina kundër Covidit në Britani. MHRA: Jo për ata me historik reaksionesh alergjike të rëndësishme

Mjeku Pipero është rasti i parë në vendin tonë që infektohet me coronavirus pasi ka marrë dozën e parë të vaksinës. Lajmi i infektimit të tij, sipas Balkanweb, është bërë i ditur këtë të martë.

Kujtojmë se mjeku Pëllumb Pipero ishte i treti që iu nënshtrua vaksinës Pfizer në Shqipëri. E para që mori vaksinën ishte shefja e Spitalit Infektiv, Najada Çomo dhe më pas kryeministri Edi Rama. Pas tyre, vaksinimit iu nënshtruan mjekët Pëllumb Pipero dhe Tritano Kalo.

Deri tani, në Shqipëri janë vaksinuar rreth 500 vetë, mjekë dhe infermierë. Të gjithë të vaksinuarit pritet të marrin së shpejti dozën e dytë të vaksinës anti-Covid.