qer172014

Antitumoral, anti-inflamator, analgjezik: mundësi të reja në SHBA dhe BE

Komisioni Europian ka autorizuar një udhëzim të ri për frenuesin oral multikinasik sorafenib (Nexavar i Bayer Healthcare dhe Onyx Pharmaceuticals, Inc., pjesë e grupit Amgen): për trajtimin e pacientëve me tumor të diferencuar të tiroides (papilar/ folikular/qeliza Hurtle) lokalisht i përparuar ose metastatik, progresiv, refraktar ndaj radio-jodit. Indikacioni i ri paraqitet në Europë për hepatokarcinomat (HCC) dhe për trajtimin e pacientëve me tumor të avancuar në qelizat renale (RCC) pas dështimit me terapitë me bazë interferoni ose interleukinë-2 ose që nuk ishin konsideruar të përshtatshëm për këto terapi. Në distancë të shkurtër kohore nga prononcimi në SHBA, EMA gjithashtu aprovoi terapinë biologjike me bazë vedolizumab (Entyvio i Takeda Pharmaceuticals) për trajtimin e të rriturve me kolit ulçeroz në fazë aktive, nga të moderuar në të rëndë ose sëmundja Crohn. Antitrupi i monoklonuar indikohet për: induktimin dhe mirëmbajtjen e përgjigjes dhe remisionit klinik, për të përmirësuar aspektin endoskopik të mukozës, për arritjen e fazës së remisionit pa steroidë tek pacientët me kolit ulçeroz që kanë pasur një përgjigje të pamjaftueshme ose asgjë apo që janë intolerantë ndaj antagonistëve dhe imunomodulatorëve të TNF (tumor necrosis factor) ose kortikosteroidëve, ose që kanë zhvilluar varësi ndaj kortikosteroideve . Në pacientët me sëmundjen Crohn në fazë aktive nga të moderuar në  të rëndë që kanë patur një përgjigje të pamjaftueshme (dështim) apo që janë intolerantë ndaj bllokuesve ose imunomodulatorëve të TNF ose ndaj kortikosteroidëve , ose që kanë zhvilluar varësi ndaj kortikosteroidet , vedolizumab është i autorizuar për të marrë përgjigje dhe remision klinik dhe për të arritur remisionin pa steroidë. Barna të reja oltreokano: autorizuar nga Food and Drug Administration (FDA)  kombinimi i fenilefrinës dhe ketrolak për injektim (Omidria i Omeros) që do të përdoret gjatë kirurgjisë të kataraktës ose në proçedura të tjera për zëvendësim të lenteve intraokulare për të parandaluar miozën intraoperatore dhe për reduktimin e dhimbjes post- operative. Miratohet dhe xheli nazal me bazë testosteron (Natesto i Trimel Pharmaceuticals Corporation) si terapi hormonale zëvëndësimi për meshkujt me hipogonadizëm e lidhur me mangësinë  apo mungesën e testosteronit endogjen. Rruga inovative e administrimit eliminon rrezikun e transferimit të barit nëpërmjet kontaktit tek gratë apo fëmijët. Së fundi, tregues i ri për antiemetikun palonosetron (Aloxi i Eisai Co., Ltd) tani i lejuar dhe për përdorim pediatrik për parandalimet e sulmeve akute të nausea dhe të vjellës te shoqëruar me cikle kimioterapie për trajtimin e tumoreve. Bari mund të administrohet tek foshnjat duke filluar nga muaji i parë i jetës, tek  fëmijët dhe të rinjtë deri në 17 vjeç, me të njëjtin profil sigurie paraqitet dhe tek të rriturit edhe pse studimet klinike kanë treguar se doza efektive tek të vegjlit në raport me peshën e trupit është më e lartë se sa ajo efektive tek të rriturit.