FDA, indikacione të reja për spasticitetin, insufiçencën kardiake dhe disa infeksione

Administrata amerikane e barnave (FDA) ka autorizuar zgjerimin e indikimeve për përdorimin e toksinës botulonike të tipit A (Botox nga Actavis) për trajtimin e të rriturve me spasticitet në gjymtyrët e sipërme, me referim specifik të muskulit fleksor në gishtin tregues. Doza maksimale përgjatë tre muajve të kurës për këto raste mund të rritet nga 360 në 400 njësi. Neurotoksina mund të injektohet në rastet e spasticitetit që përfshijnë kyçin e dorës, bërrylin ose gishtat, ndonëse FDA specifikon se trajtimi nuk duhet të merret si një zëvendësues i fizioterapisë dhe as i trajtimeve të tjera të përshkruara nga mjeku. Indikacione të reja edhe për formulimin e ri me injeksion endovenoz të minociklinës (Minocin nga The Medicines Company), për pneumoninë bakteriale të marrë në spital (duke përfshirë atë të Acinetobacter multiresistente), pneumoninë bakteriale lidhur me ventilimin mekanik dhe disa infeksione Gram negative te pacientët me fibrozë cistike.

FDA ka aprovuar ivabradinën (Corlanor nga Amgen) për të reduktuar shtrimet në spital për shkak të përkeqësimit të insufiçencës kardiake. Bari është i indikuar për pacientë që kanë simptoma të insufiçencës kardiake të qëndrueshme, ritëm kardiak normal, me një frekuencë kardiake në pushim prej të paktën 70 rrahjesh në minutë dhe që janë duke marrë edhe beta-bllokues në dozën më të lartë që mund të tolerojnë. Mjekët dhe farmacistët duhet të lajmërojnë pacientët që rrezikohen nga dëmet në mëlçi, si dhe të shmangen shtatzënitë gjatë marrjes së terapisë. Ivabradina është autorizuar me procedurë të përshpejtuar sepse prej disa vitesh nuk ka barna të reja për insufiçencën kardiake. Bari është zhvilluar nga "Laboratoires Servier" dhe është në tregun evropian me të njëjtat indikacione të vitit 2012. Ndërkaq kompania franceze në Shtetet e Bashkuara i ka dhënë të drejtat e shitjes Amgenit. Në fund aprovim edhe për glatiramer acetate (Copaxone nga Teva ora tani i riprodhuar nga Novartis Sandoz me emrin e Glatopa), bar për trajtimin e sklerozës multiple me administrim endovenoz njëherë në ditë.