tet212016
Fibrilacioni atrial, konfirmohet profili i sigurisë i rivaroxaban
"Të dhëna real-life të marra nga studime të ndryshme ndërkombëtare konfirmojnë profilin pozitiv risk/përfitim të rivaroxaban, një inhibitor i faktorit Xa në praktikën klinike të përditshme, në trajtimin e pacientëve me fibrilacion atrial jo valvular", njofton kompania prodhuese Bayer.
Të ndryshme janë burimet nga është mundësuar nxjerrja e përfundimeve të prezantuara në Romë në muajin gusht. "Rezultatet e XaPASS, studim vëzhgimor prospetik post-marketing që ka regjistruar më shumë se 11 mijë pacientë në Japoni, - shkruhet në komunikatën e kompanisë, - konfirmojnë përqindje të ulëta si të iktusit edhe të hemorragjisë madhore te pacientë me fibrilacion atrial jo valvular në terapi me rivaroxaban në praktikën klinike të përditshme. Këto rezultate janë përgjithësisht në të njëjtën linjë me ato të studimit klinik të fazës III J-ROCKET AF. Gjithashtu të dhënat e regjistrave kombëtare mbi administrimin në kontekste e real-life me një total prej 57.489 pacientësh në Suedi, tregojnë përqindje të ngjashme hemorragjish madhore te pacientët e trajtuar me rivaroxaban dhe te ata të trajtuar me warfarin, por përqindje shumë më të ulëta hemorragjish intrakranikale te pacientët e trajtuar me rivaroxaban".
Një rezultat kaq homogjen nuk është përgjithësisht i lehtë të arrihet në studime të real life, nga momenti që kushtet e kërkimit nuk mund të kontrollohen si në laborator. "Fakti që shifrat janë kaq koherente, - thotë Craig Coleman, profesor i praktikës farmaceutike pranë Universitetit të Konektikatit, - tregon se profili i sigurisë së barit mund të konsiderohet pozitivisht. Është fjala për një aspekt të rëndësishëm jo vetëm nga këndvështrimi statistikor, por edhe ai i përshtatshmërisë së pacientëve. Të kesh të dhëna kaq të qëndrueshme dhe koherente do të thotë t'iu dorëzosh mjekëve instrumente komunikimi shumë të vlefshme, në mënyrë që këta të informojnë më së miri pacientët e tyre, të cilët ende sot në 50% të rasteve nuk e ndjekin terapinë ashtu siç përshkruhet".