tet262018
Europa i hap rrugën imunoterapisë revolucionare Car-T
Komisioni Evropian ka ndezur dritën e gjelbër për imunoterapinë Car-T tisagenlecleucel (Kymriah, Novartis) me dy indikacione: për trajtimin e pacientëve pediatrikë dhe të rinj deri 25 vjeç, me leucemi limfoblastike akute (LLA) me qeliza B refraktare, në recidivën pas transplantit ose në recidivën e dytë ose të mëvonshme; për trajtimin e pacientëve të rritur me limfomë të shpërndarë me qeliza të mëdha B (DLBCL) të recidivuara ose refraktare, pas dy ose më shumë linjave të terapisë sistemike.
"Zhvilluar në bashkëpunim me Universitetin e Pensilvanisë, tisagenlecleuceli është një trajtim revolucionar që përdor qelizat T të pacientëve për të luftuar kancerin", vë në dukje një shënim i Novartisit. "Për më tepër, ajo është e vetmja terapi e receptorit antigjenik kimik të qelizave T (Car-T, Chimeric antigen receptor T-cell) që ka marrë miratimin rregullator në Europë për këto dy neoplazi të veçanta të qelizave B. Tisagenlecleuceli ishte gjithashtu terapia e parë Car-T që nuk ishte miratuar asnjëherë nga FDA-ja".
Autorizimi për hedhjen në treg edhe të axicabtagene ciloleucel-it, të Gileadit, si trajtim për pacientët e rritur me limfomë me qeliza të shpërndara të mëdha B (DLBCL, diffuse large B cell lymphoma) dhe me limfomën primare të mediastinumit me qeliza të mëdha B (PMBCL, primary mediastinal B-cell lymphoma) - të dyja recidivuese ose refraktare - pas dy ose më shumë linjave të terapisë sistemike.
Edhe Axicabtagene ciloleucel është një terapi me receptor antigjenik kimerik të qelizave T. "Terapia e qelizave ka treguar se mund të nxisë një përgjigje të plotë (pa tumor të dallueshëm) në një përqindje të pacientëve me DLBCL dhe PMBCL recidivuese ose refraktare, dy forma agresive të limfomës jo-Hodgkin", tregon Gileadi në një shënim.