sht62019

Farmaceutikë: Shqipëria, në Farmakopenë Europiane

Artikuj lidhur

24-07-2024 | Këshilli i Ministrave miraton listën e re të barnave të rimbursueshme 2024

04-08-2021 | Ndryshime në ligjin për "Barnat dhe shërbimin farmaceutik”. MSH: Grupet e interesit do të dëgjohen gjatë konsultimit publik

11-09-2020 | AKBPM, ambiente dhe laboratorë të rinj. Tritan Shehu: po fshehin “masakrën” në farmaceutikë, duke e lyer me bojë

Ndonëse një audit i Kontrollit të Lartë të Shtetit bëri publik faktin se Agjencia e Barnave dhe Pajisjeve Mjekësore nuk bën analiza as të barnave që importohen, as të atyre që prodhohen në vend, Ministria e Shëndetësisë deklaron se me investimet që po bëhen për ngritjen e dy laboratorëve të rinj, në vend do të garantohen standardet europiane të kontrollit të cilësisë së barnave dhe pajisjeve mjekësore. Nga ana tjetër, Shqipëria po aderon me të drejta të plota në Farmakopenë Europiane. Këtë nismë e ka bërë publike vetë ministrja e Shëndetësisë para deputetëve në komisionin e shëndetësisë.

Sipas Manastirliut, Farmakopeja do të jetë "bibla" referuese për analizimin, regjistrimin, importimin dhe prodhimin e barnave. Investimi që po kryhet në laboratorët e kontrollit të barnave në vend, i shërben garantimit të këtij standardi, pasi sipas saj, ata po pajisen me aparatura të fjalës së fundit të teknologjisë dhe njëkohësisht, do të zgjerohet edhe gama e analizave që mund të kryhen në laboratorët tanë.

Farmakopeja Europiane është një dokument ligjor i detyrueshëm për vendet anëtare të Bashkimit Europian dhe përcakton në mënyrë të detajuar standardet më të larta të kontrollit të cilësisë së barnave si dhe substancave që përdoren në prodhimin e barnave dhe të gjitha produkteve farmaceutike para se të hidhen në treg. Anëtarësimi me të drejta të plota në Farmakopenë Europiane, i jep mundësi Shqipërisë të ketë për herë të parë Farmakopenë e saj, që do të jetë një standard i detyrueshëm për t'u zbatuar nga të gjithë, si nga prodhuesit, ashtu edhe nga tregtuesit e barnave.

Aktualisht, janë 38 shtetet anëtare të Bashkimit Europian që aplikojnë standardet e Farmakopesë Europiane dhe 100 shtete të tjera që i përdorin.

Konventa e Farmakopesë Europiane mundëson:

- Marrjen e masave nga vendet anëtare në lidhje me prodhimin, qarkullimin dhe shpërndarjen e barnave në Europë dhe në tregjet e shteteve anëtare të kësaj konvente.
- Nevojën për të shpejtuar hartimin e specifikimeve për numrin në rritje të substancave të reja mjekësore që shfaqen në treg;
- Promovimin e lëvizjes së lirë të produkteve mjekësore në Europë dhe më gjerë.

Alma Demiraj