mar52020
Kolla kronike. Rezultate premtuese nga bari i ri i marrë në studim
Gefapixanti, agonisti i ri P2X3 që bllokon një receptor të përfshirë në reflektimin e kollës, po shfaq rezultate premtuese në menaxhimin e kollës kronike, edhe kur shqetësimi vazhdon për më shumë se 15 vjet. Këtë e sugjerojnë rezultatet e një studimi të fazës 2b të publikuar në "Lancet Respiratory Medicine", mbështetur nga Afferent Pharmaceuticals/Merck, ndërmarrja prodhuese e barit.
"Rreth 4%-10% e të rriturve në të gjithë botën, vuajnë nga kolla kronike e pashpjegueshme që zgjat më shumë se 8 javë, por për momentin, nuk janë të disponueshme trajtime të aprovuara", konfirmon Jaclyn Smith (Universiteti i Mançesterit), autore kryesore e studimit.
Gefapixanti kishte treguar më parë se reduktonte frekuencën e kollës kur administrohej me doza të larta (600 mg, dy herë në ditë) për dy javë. Kërkimet e kohëve të fundit kanë sugjeruar se edhe doza më të ulëta se 50 mg, të administruara dy herë në ditë, mund të jenë efikase.
Kërkuesit kanë rekrutuar 253 pacientë me kollë kronike për një kohëzgjatje mesatare prej 14,5 vjetësh në 44 qendra në Mbretërinë e Bashkuar e në SHBA dhe i kanë përzgjedhur në mënyrë rastësore për të marrë gefapixant ose placebo (63 vetë) dy herë në ditë, për 84 ditë. Gefapixanti është administruar në një nga tre doza, apo 7,5 mg (64 vetë), 20 mg (63 vetë) apo 50 mg (63 vetë). Frekuenca e kollës është regjistruar si në ditarët e pacientëve, ashtu edhe nëpërmjet një pajisjeje të regjistrimit të tingullit në katër periudha prej 24 orësh.
Pas trajtimit, pacientët kolliteshin rreth 24-29 herë në orë. Pas 12 javësh trajtim, grupi placebo është kollitur 18 herë në orë në orë dhe grupi i menaxhuar me një dozë prej 50 mg, 11 herë në orë, me një reduktim të përqindjes krahasuar me bazën prej 57,6% dhe krahasuar me placebon prej 37,0%. Reduktimi në dy grupet e tjera të dozimit nuk kanë rezultuar sidoqoftë statistikisht domethënëse. Efekti anësor më i zakonshëm ka qenë ndryshimi i shijes te pacientët, tashmë i vëzhguar në studimet e mëparshme me barin.
Janë tashmë në zhvillim e sipër studime të fazës 3, me një grup akoma më të gjerë dhe për një periudhë më të gjatë kohe.
Në një koment të lidhur, Richard Irwin (Universiteti i Masaçusetsit) dhe kolegët, mbështesin idenë se studimi do të jetë i rëndësishëm për të vlerësuar më mirë efikasitetin e dozës prej 50mg dhe efektet anësore mbi shijen. Për momentin, ama, këshilla e tyre për mjekët, është të menaxhohen pacientët sipas udhëzimeve aktuale.
Lancet Resp Med 2020. Doi: 10.1016/S2213-2600(19)30471-0
https://doi.org/10.1016/S2213-2600(19)30471-0
Lancet Resp Med 2020. Doi: 10.1016/S2213-2600(20)30083-7
https://doi.org/10.1016/S2213-2600(20)30083-7