kor172020
Përshkrimi i barnave. Rregullat e reja franceze reduktojnë abuzimin me medikamentin zolpidem
Sipas një studimi të ri të botuar në "Annals of Medicine Medicine", zbatimi në Francë i rregullave të reja të përshkrimit për barin qetësues-hipnotik zolpidem, ka sjellë një ulje të rëndësishme dhe të menjëhershme të përdorimit të tij. Kjo rënie u kompensua pjesërisht nga një rritje në përdorimin e një bari jo-benzodiazepine, zopiclones. Benzodiazepinat dhe hipnotikët jo-benzodiazepine përdoren gjerësisht në të gjithë botën dhe së bashku me opioidet, ato monitorohen në veçanti për potencialin e tyre për keqpërdorim, abuzim, varësi dhe efekte të rënda serioze.
Me kalimin e viteve, disa ndërhyrje dhe udhëzime që synojnë kufizimin e përdorimit të tyre kanë patur ndikim të kufizuar. "Kohët e fundit, zolpidemi ka qenë hipnotiku më i përdorur në Francë për pagjumësinë dhe një nga barnat më të përfshira në devijimin ose falsifikimin e recetave. Në vitin 2017, autoritetet shëndetësore franceze bënë të detyrueshëm përdorimin e një forme përshkrimi të sigurt për zolpidemin dhe ne donim të vlerësonim efektin e këtij vendimi", shpjegon Nicolas Roussellot, nga Universiteti i Bordosë, autori kryesor i studimit.
Studiuesit kanë analizuar në shkallë vendi kërkesat e rimbursimit për barnat pa recetë nga viti 2015 në 2018 dhe panë që rregullat e vendosura patën si rezultat përgjysmimin e përshkrimit të zolpidemit. Në të njëjtën periudhë, megjithatë, u vërejtën rritje pothuajse të barabarta dhe paralele në përshkrimin e zopiclones. Siç u vu në dukje në të kaluarën, në rast pengesash për përshkrimin e barnave, ky ndryshim në politikat e përshkrimit mund të ketë transferuar të paktën një pjesë të problemit drejt zopiclones.
Për këtë arsye, ekspertët konsiderojnë të domosdoshëm monitorimin e kujdesshëm të barnave alternative me potencial të ngjashëm devijimi. Autorët theksojnë se studimi është i kufizuar nga fakti se nuk është e mundur të bëhen analiza në nivel individual, por vetëm në të dhëna të grumbulluara. Për këtë arsye, nuk mund të identifikohet dhe të përcaktohet sasia e konsumatorëve dhe përdoruesve mashtrues dhe të përcaktohet nëse ulja e numrit të përgjithshëm të recetave ka sjellë një rënie të vërtetë të përshkrimeve të papërshtatshme dhe përdorimit jo të duhur. Në të ardhmen, do të jenë të nevojshme studime të mëtejshme mbi të dhënat individuale.
The Annals of Family Medicine July 2020, 18 (4) 345-348;
https://doi.org/10.1370/afm.2556