Covid-19, FDA-ja kufizon përdorimin e vaksinës J&J për shkak të rrezikut për trombozë

tags: VAKSINAT, FDA, Johnson&Johnson, Covid-19, trombozë

Artikuj lidhur

23-07-2021 | Vaksinat anti-Covid. AIFA: Përditësime të reja mbi rreziqet dhe kundërindikacionet

15-07-2021 | Vaksinat Covid. Sindroma neurologjike pas vaksinës J&J nën ekzaminimin e EMA-s

16-03-2022 | Vaksinat Covid-19. EMA sinjalizon se janë të mundshme efekte të tjera anësore

Administrata Amerikane e Ushqimit dhe e Barnave ka kufizuar përdorimin e vaksinës kundër COVID-it Johnson & Johnson vetëm për të rriturit, për shkak të rrezikut të një forme të trombozës, e cila është e rrallë, por kërcënuese për jetën. Kufizimi parashikon gjithashtu që vaksina është e rezervuar vetëm për individët mbi 18 vjeç, për të cilët vaksinat e tjera nuk janë të aksesueshme ose të përshtatshme klinikisht, ose që zgjedhin këtë produkt, përndryshe nuk do të vaksinoheshin.

FDA-ja detajon në një shënim se, pas kryerjes së një analize, vlerësimit dhe hetimit të përditësuar të rasteve të raportuara, ka përcaktuar se rreziku i trombozës me sindromën e trombocitopenisë (TTS), një formë e rrallë, por potencialisht kërcënuese për jetën, në kombinim me nivelet e ulëta të trombociteve në gjak, me fillimin e simptomave afërsisht një deri në dy javë pas administrimit të vaksinës, justifikon kufizimin e përdorimit të vaksinës.

"Ne e pranojmë se vaksina Janssen ende luan një rol në përgjigjen aktuale ndaj pandemisë në Shtetet e Bashkuara dhe në të gjithë komunitetin global. Ky vendim pasqyron analizën tonë të përditësuar të rrezikut të trombozës me sindromën e trombocitopenisë (TTS) pas administrimit të kësaj vaksine dhe kufizon përdorimin e vaksinës për individë të caktuar", tha Peter Marks, drejtor i Qendrës së FDA-së për vlerësimin dhe kërkimin biologjik.

"Vendimi demonstron qëndrueshmërinë e sistemeve tona të mbikëqyrjes së sigurisë" së produktve mjekësore "dhe angazhimin për të garantuar që udhëheqjen e veprimeve tona nga shkenca dhe të dhënat. Ne e monitoruam nga afër vaksinën Janssen dhe fillimin e TTS-së pas administrimit të saj dhe përdorëm informacion të përditësuar nga sistemet tona të mbikëqyrjes për të rishikuar autorizimin EUA për përdorim urgjent.

"Agjencia, siguron ai, do të vazhdojë të monitorojë sigurinë e kësaj vaksine dhe të gjitha vaksinave të tjera dhe, siç ndodhi gjatë pandemisë, do të vlerësojë deri në fund informacionet e reja".