kor142022
Efektet e dobishme të probiotikëve në menaxhimin e bronkopneumonisë obstruktive kronike
Probiotikët përmirësojnë forcën dhe kapacitetin funksional te pacientët me bronkopneumoni obstruktive kronike. Ky është rezultati i një studimi klinik me përzgjedhje rastësore dhe i kontrolluar me placebo, i botuar së fundmi në Archives of Gerontology and Geriatrics.
Përshkueshmëria intestinale dhe inflamacioni, të lidhur me sarkopeninë
Në bronkopneumoninë obstruktive kronike (BPOK), si përshkueshmëria intestinale, ashtu edhe inflamacioni sistemik janë të lidhur me sarkopeninë, duke sugjeruar një element të përbashkët, edhe pse ende të paeksploruar. Në fakt, asnjë studim i mëparshëm nuk ka hetuar efektet e probiotikëve në sarkopeni te pacientët me BPOK, shkruajnë autorët. Megjithatë, probiotikët kanë treguar se reduktojnë inflamacionin pulmonar dhe përmirësojnë rimodelimin e rrugëve respiratore në modelet e kafshëve. Përmirësimet vijnë nga ulja e përshkueshmërisë intestinale, e cila redukton citokinat inflamatore qarkulluese, duke çuar në stabilizimin e lidhjeve neuromuskulare", tha autorja kryesore e studimit Asima Karim (Universiteti i Sharjahit, Emiratet e Bashkuara Arabe).
Studimi përfshiu 104 burra me bronkopneumoni obstruktive kronike me moshë mesatare 63-73 vjeç. Pacientët u caktuan në mënyrë rastësore në një raport 1:1 për të marrë placebo ose një probiotik që përmbante 112 miliardë baktere të gjalla, duke përfshirë një lloj Streptococcus dhe tre lloje të shtameve Lactobacillus. Studiuesit matën forcën e grushtit, shpejtësinë e ecjes, masën muskulore apendikulare dhe kryen testin SPPB (short physical performance battery), në fillim dhe në javën e 16-të. Së bashku me këto parametra, u vlerësuan gjashtë bioshënjues plazmatikë që karakterizonin përshkueshmërinë intestinale (zonulin dhe klaudin-3), degradimi i bashkimit neuromuskular (CAF22), inflamacioni sistemik (proteina c-reaktive dhe kreatinë kinaza) dhe stresi oksidativ (8-izoprostanet).
Me probiotikët, ka përmirësime në të gjithë parametrat
Klinikisht, trajtimi me probiotikë u shoqërua me përmirësime në të gjithë parametrat e konsideruar. Në të kundërt, pacientët në grupin e placebos nuk treguan ndryshime të rëndësishme në pamjen klinike ose bioshënjuesit, përveç zonulinës, e cila u rrit me kalimin e kohës, duke sjellë përkeqësim të përshkueshmërisë intestinale. Kreatinë kinaza, një masë e inflamacionit sistemik, nuk tregoi ndryshime në asnjërin grup. "Zbulimi ynë kryesor është se probiotikët mund të përmirësojnë forcën e muskujve dhe kapacitetin funksional te pacientët me COPD", përfundojnë Karimi dhe kolegët e saj. "Këto efekte, janë të paktën pjesërisht të ndërmjetësuara nga pakësimi i humbjes intestinale dhe reduktimi i lidhur me stresin oksidativ sistemik dhe inflamacionin kronik. Për më tepër, zonulina plazmatike, claudin-3 dhe CAF22 mund të jenë të dobishme për vlerësimin e indekseve të sarkopenisë dhe varësisë funksionale".
Në një koment me shkrim, koordinatori i kërkimit Rizwan Qaisar theksoi se: "Probiotikët kanë një profil të lartë sigurie dhe efektet e tyre negative janë të rralla", kështu , "shumica e pacientëve me BPOK mund të marrin me siguri tableta probiotike". Megjithatë, vazhdon ai, do të duhet më shumë punë për të konfirmuar këto të dhëna.
"Kërkimet e mëtejshme duhet të hulumtojnë mbi sasinë dhe llojet e baktereve që kolonizojnë zorrët e pacientëve me BPOK dhe se cilat molekula lëshojnë në gjak".
Burimi
https://www.sciencedirect.com/science/article/abs/pii/S0167494322001029?via%3Dihub