Barnat që bllokojnë estrogjenin reduktojnë vdekshmërinë nga kanceri i gjirit

tags: BARNA, Kanceri i Gjirit, Rezonancë magnetike, vdekshmëri, trajtim, estrogjen, mamografi

Artikuj lidhur

17-08-2023 | Hepatiti C. Pavarësisht efektivitetit të barnave, kontrollet duhet të vazhdojnë

28-03-2023 | Menopauza. Medikamenti që redukton simptomat. Rezultatet e para të testeve klinike

13-02-2023 | Trajtimi i bazuar në analizat gjenetike redukton me 30% efektet anësore të barnave

Trajtimet me barnat që bllokojnë aktivitetin e estrogjenit dhe reduktojnë rrezikun e zhvillimit të kancereve të reja të gjirit mund të reduktojnë edhe rrezikun e vdekjes nga kjo sëmundje te gratë, sipas një studimi të ri të botuar në Journal of Clinical Oncology.

"Studimet e fundit kanë treguar se gratë e diagnostikuara me tumore të receptorit të estrogjenit pozitiv (ER) vazhdojnë të përjetojnë përsëritje dhe vdekje nga kanceri i gjirit deri në 30 vjet pas diagnostikimit të tyre primar", tha bashkautorja Claudine Isaacs nga Qendra Gjithëpërfshirëse e Kancerit Georgetown Lombardi.

Studiuesit donin të analizonin përfitimet dhe dëmet e barnave që zvogëlojnë rrezikun e zhvillimit të kancerit të përdorur për parandalimin primar të sëmundjes për të parë nëse ato gjithashtu mund të zvogëlojnë shkallën e vdekjes nga kjo sëmundje në afat më të gjatë kohor. Ekspertët vlerësuan efektet e administrimit të bllokuesve të estrogjenit së bashku me mamografitë vjetore dhe rezonancën magnetike, sipas nevojës, mbi rrezikun e kancerit invaziv të gjirit, vdekjes nga kanceri i gjirit, efektet anësore, false pozitive dhe mundësinë e mbidiagnostikimit.

Tamoksifeni dhe mamografia vjetore reduktuan rrezikun e zhvillimit të kancereve të reja invazive të gjirit me 40%, dhe rrezikun e vdekjes nga kanceri i gjirit me 57%. Kjo përkthehet në 95 më pak kancere invazive të gjirit dhe 42 vdekje më pak për 1000 gra, krahasuar me gratë që nuk kanë marrë një mamografi, rezonancë magnetike ose medikamente që mund ta reduktojnë këtë rreziku.

Ekspertët vunë në dukje se barnat nuk ishin pa të meta, pasi tamoksifeni mund të rrisë numrin e kancereve të reja endometriale në 11 në 1000 gra. "Qasjet e modelimit si kjo e jona do të japin përgjigje më përfundimtare në lidhje me vlerën e këtyre barnave, sepse, duke pasur parasysh madhësinë dhe koston e tyre, një provë klinike do të ishte jopraktike, plus fakti që vërtetimi i përfitimit të një prove klinike do të merrte gati 20 vjet", përfundon Isaacs.

Journal of Clinical Oncology 2022. Doi: 10.1200/JCO.22.01342
http://doi.org/10.1200/JCO.22.01342