jan192023

Meduloblastoma pediatrike. Trajtimi që përmirëson aktivitetin e makrofagëve të tumorit

Artikuj lidhur

05-04-2024 | Ezofagiti eozinofilik. FDA autorizon dupilumabin për fëmijët nën 12 vjeç

20-09-2023 | ADHD-ja. Gabimet gjatë mjekimit, më të shpeshta te pacientët më të rinj në moshë

16-03-2023 | Statinat që reduktojnë rrezikun e insuficiencës kardiake te pacientët tumoralë

Në një studim të botuar në "Journal of Immunotherapy", studiuesit e Kampusit Mjekësor Anschutz në Universitetin e Kolorados kanë paraqitur një kombinim barnash të cilat mund të ofrojnë një prognozë më të mirë për fëmijët e diagnostikuar me meduloblastomë të amplifikuar nga onkogjeni MYC.

"Këto tumore të trurit janë shumë të ndjeshëm ndaj përsëritjes për shkak të onkogjenit MYC. Për më tepër, ekziston një rrezik më i lartë i përhapjes së tyre në zona të tjera të trurit dhe përgjatë shtyllës kurrizore.

Shkalla e mbijetesës pesëvjeçare është më pak se 45%, dhe ne po përpiqemi të gjejmë mundësi më të mira trajtimi për këta fëmijë", shpjegon koordinatorja e studimit Siddhartha Mitra.

Ekspertët kanë zbuluar se dy medikamente që kanë kaluar tashmë provat e sigurisë së Fazës I në tumore të tjera të ngurta kanë një ndikim të rëndësishëm te meduloblastoma kur përdoren së bashku. Në studimin e tyre, ata vunë re se MYC, përveç rritjes së tumoreve, "fsheh" edhe rritjen e qelizave të ndryshme imune në trup. Më pas ata zhbllokuan rrugët që parandalojnë makrofagët e sistemit imunitar të njohin dhe sulmojnë një tumor, duke përdorur medikamentin epigjenetik tacedinline, një deacetilazë histone të klasit I ose frenues HDAC.

"Kur përdorëm tacedinaline për të zhbllokuar këto rrugë dhe më pas shtuam anti-CD47, një medikament që rrit aktivitetin e makrofagëve, tumori u bë tepër tërheqës për këto qeliza, të cilat sulmuan qelizat tumorale", vijon Mitra.

Autorët theksojnë se barnat tradicionale të kancerit për të rriturit nuk funksionojnë mirë te fëmijët, sepse fëmijët janë ende duke u zhvilluar dhe qelizat e tyre normale ndahen me një ritëm të shpejtë.

Prandaj, ky kombinim i barnave mund të ndihmojë jo vetëm në minimizimin e ndikimeve negative të trajtimit tradicional të kancerit te fëmijët, por gjithashtu t'u japë pacientëve të diagnostikuar me meduloblastomë të amplifikuar me MYC një shans më të mirë për të mbijetuar. Hapi tjetër do të jetë një provë klinike për të përcaktuar efektet afatshkurtra dhe afatgjata të këtij trajtimi.

Journal of Immunotherapy 2023. Doi: 10.1136/jitc-2022-005871
http://dx.doi.org/10.1136/jitc-2022-005871