pri182017
D-cicloserina efikase në terapinë kundër çrregullimeve të ankthit
Te pacientët e prekur nga çrregullimi obsesivo-kompulsiv ose nga stresi post-traumatik, marrja e D- cicloserinës lidhet me një rritje të vogël por domethënëse të efikasitetit të terapisë konjitivo- komportamentale, e pandikuar nga përdorimi i njëkohshëm i anti-depresivëve. E pohon David Mataix-Cols nga departamenti i neuroshkencave në "Karolinska Institutet" në Stokholm dhe bashkautor i një artikulli të publikuar në "Jama Psychiatry". "Ankthi, çrregullimet obsesivo-kompulsive dhe stresi post-traumatik përbëjnë grupin më të përhapur të çrregullimeve mendore, që prek deri në 30% të individëve në një pikë të jetës së tyre", pohon kërkuesi, duke kujtuar se opsionet e ndryshme të trajtimit përfshijnë terapinë konjitive-komportamentale dhe përdorimin e barnave, në mënyrë të veçantë inhibitorët selektivë të ripërthithjes së serotoninës.
"Nëse dhe në cilat kushte shtimi i D-cicloserina është në gjendje të shtojë efektet e terapisë konjitivo - komportamentale në ankth, në çrregullimet obsesivo-kompulsive dhe në stresin post-traumatik, kjo nuk është e qartë", shkruajnë autorët e artikullit, të cilët për të verifikuar ndërveprimin e mundshëm me anti-depresivët dhe nëse kompozita ishte superiore ndaj placebos, kanë revizionuar materialet shkencore të arkivuara në PubMed, EMBASE, e PsycINFO. "Në përfundim të rishikimit seleksionuam 21 studime për një total prej 1.047 pjesëmarrësish", pohon Mataix-Cols duke shtuar se pjesëmarrësit e trajtuar me D-cicloserine dhe terapi konjitivo-komportamentale shfaqnin një përmirësim më të madh dhe një reduktim të simptomave në krahasim me ata që morën placebo. "Në fund të metanalizës dolën prova bindëse në mbështetje të superioritetit afatshkurtër të D-cicloserine kundrejt placebos në shtimin e efikasitetit në çrregullimet e ankthit, me një efekt të vogël por statistikisht domethënës", shtojnë autorët. Ata nënvizojnë nevojën për studime të mëtejshme të fokusuara në thellimin ndaj mekanizmave në bazë të veprimit të fuqizimit të D-cicloserina në terapinë konjitivo-komportamentale, që duket se nuk reduktohet nga përdorimi i anti-depresivëve.
Jama Psychiatry. 2017. doi: 10.1001/jamapsychiatry.2016.3955 https://www.ncbi.nlm.nih.gov/pubmed/28122091