Depresioni post partum. Më shumë përshkrime benzodiazepinash, më pak diagnostikime

tags: ANTIDEPRESIV, Benzodiazepinat, DEPRESION, Ankth, post partum, gratë

Artikuj lidhur

29-04-2024 | Ankthi dhe depresioni: trajtimi me antidepresivë dhe psikoterapia, reduktojnë shtrimet për sëmundjet kardiake

30-08-2023 | Depresioni rezistent ndaj trajtimit. Studimi tregon efektivitetin e ketaminës

25-06-2024 | Pagjumësia kronike. Rreziqet për shëndetin e përgjithshëm. Diagnostikimi dhe trajtimet

Gjatë pandemisë COVID-19 ka pasur një rritje të përshkrimit të benzodiazepinave te gratë pas lindjes, edhe pse në numrin e diagnostikimeve të depresionit dhe ankthit te nënat e reja nuk janë vërejtur ndryshime. Këto janë përfundimet e një studimi të publikuar në Archives of Women's Mental Health. Hetimi u krye nga një ekip i udhëhequr nga Grace Bagwell Adams nga Universiteti i Gjeorgjisë.

Sipas vlerësimeve globale, afërsisht 1 në 10 gra zhvillon depresion ose ankth brenda 6 muajve të parë pas lindjes. Megjithatë, shumica e grave nuk diagnostikohen siç duhet dhe rrjedhimisht nuk marrin trajtimin e duhur për këto kushte.

Depresioni pas lindjes ka në nivele të ndryshme ashpërsie dhe në përgjithësi fillon midis javës së 6-të dhe të 12-të pas lindjes së fëmijës, me episode që zakonisht zgjasin 2 deri në 6 muaj. Gruaja ndihet e trishtuar pa arsye, nervoze, mund të shpërthejë lehtësisht në të qara dhe nuk ndihet gati për detyrat që e presin. Pas lindjes, 70-80% e femrave përjetojnë të ashtuquajturën "baby blues", e cila konsiston në një farë paqëndrueshmërie emocionale menjëherë pas lindjes dhe disa ditë pas saj. 10-15% e grave, megjithatë, përjetojnë një gjendje të vërtetë depresive dhe 50% e atyre që nuk trajtohen vazhdojnë të jenë në depresion edhe pas 6 muajsh dhe 25% edhe për 1 vit pas lindjes.

Studimi retrospektiv përfshiu më shumë se 518,000 gra në periudhë post partumi të cilat u vlerësuan për ankth dhe depresion.

Analiza zbuloi se kishte një rritje prej 15.2% të numrit të grave që merrnin benzodiazepina gjatë pandemisë. Në anën tjetër, nuk është vënë re rritje e numrit të grave të diagnostikuara me depresioni ose ankth pas lindjes.

Sipas ekipit, gjetjet e studimit janë një tregues i nëndiagnostikimit dhe nëntrajtimit të këtyre kushteve dhe hipotezojnë se mungesa e kujdesit për gratë pas lindjes mund të jetë përkeqësuar nga kriza shëndetësore që ka karakterizuar periudhën pandemike.

Burimi
Arch Womens Ment Health (2024); doi: 10.1007/s00737-024-01488-4