qer222023
Diabeti 2. Zgjedhja e pijeve të duhura redukton vdekshmërinë dhe sëmundjet kardiovaskulare
Konsumimi i pijeve me përmbajtje të lartë sheqeri ndikon ndjeshëm në rezultatet e vdekshmërisë dhe ato kardiovaskulare te pacientët diabetikë, sipas një studimi të botuar në BMJ dhe të koordinuar nga Qi Sun nga Shkolla e Shëndetit Publik të Harvardit TH Chan në Boston.
"Efektet që kanë në shëndet pijet me përmbajtje të lartë sheqeri tashmë dihen, ato me densitet të ulët energjie si uji ose qumështi me pak yndyrë shoqërohen me një rrezik të reduktuar për sëmundje kardiometabolike, rrezik i cili shtohet nga konsumimi i pijeve me shumë sheqer", shkruajnë autorët, duke shpjeguar që pavarësisht se disa studime sugjerojnë se pijet e ëmbëlsuara artificialisht ndikojnë pozitivisht në rrezikun kardiometabolik te të rriturit me diabet të tipit 2 dhe edhe pse lidhja midis konsumit individual, rrezikut për sëmundje kardiovaskulare dhe vdekshmërisë te diabetikët është kryesisht e panjohur.
Duke u nisur nga këto supozime, studiuesit analizuan të dhënat e 11,399 profesionistëve të kujdesit shëndetësor me diabet të tipit 2 të regjistruar në Nurses' Health Study (1980-2018) dhe 4,087 të tjerëve të regjistuar në Health Professionals Follow-Up Study (1986-2018). Konsumimi i pijeve u vlerësua nëpërmjet një pyetësori të vlefshëm për frekuencën e të ushqyerit dhe u përditësua çdo 2 vjet. Pjesëmarrësit u pyetën se sa shpesh konsumonin pije me sheqer (SSB), lëngje frutash, kafe, çaj, qumësht me pak yndyrë, qumësht të plotë ose ujë të thjeshtë në doza të paracaktuara. Endpointi parësor i analizuar ishte vdekshmëria nga të gjitha shkaqet dhe rezultatet dytësore përfshinin incidencën dhe vdekshmërinë nga CVD-të.
Analizat treguan se te të rriturit me diabet të tipit 2, pijet me sheqer,jo vetëm që rrisin rrezikun e vdekjes nga çdo shkak me 20%, por gjithashtu rrisin edhe sëmundshmërinë dhe vdekshmërinë nga sëmundjet kardiovaskulare. Në anën tjetër, ekziston një korrelacion i anasjelltë midis vdekshmërisë nga të gjitha shkaqet dhe konsumit të pijeve pa sheqer si kafeja, çaji, uji i thjeshtë ose qumështi me pak yndyrë, me një ulje të rrezikut respektivisht me 26%, 21%, 23% dhe 12%.
"Këto rezultate, mbi fuqinë e madhësisë së studimit, mbledhjen e përsëritur të të dhënave, ndjekjen e gjatë dhe rregullimin gjithëpërfshirës për faktorët ngatërrues zgjerojnë në mënyrë të besueshme kuptimin e efekteve të konsumit të pijeve të ndryshme te të rriturit me diabet të tipit 2, duke ofruar të dhëna shtesë që nënvizojnë rëndësinë e zgjedhjes së pijeve në ruajtjen e shëndetit të përgjithshëm midis të rriturve me diabet", shkruan në një editorial të lidhur Nita Forouhi nga Universiteti i Kembrixhit.
BMJ 2023. Doi: 10.1136/bmj-2022-073406
http://doi.org/10.1136/bmj-2022-073406
BMJ 2023. Doi: 10.1136/bmj.p841
http://doi.org/10.1136/bmj.p841