shk92018

Universiteti i Mjekësisë. Dalin kriteret e pranimit të studentëve të rinj

Artikuj lidhur

19-07-2016 | Universiteti i Mjekësisë më i kërkuari. Rektori Gjata: Vetëm maturantët me mesatare mbi 8.5

25-08-2015 | Më 12 tetor studentët e mjekësisë iu drejtohen auditorëve për vitin e ri akademik

12-08-2014 | Reduktohet ndjeshëm numri i pranimeve në UMT, Farmacia vetëm 90 studentë

Universiteti i Mjekësisë ka shpallur i pari kriteret e pranimit të studentëve të rinj për vitin akademik 2018-2019.

Jo kushdo mund t'i ndjekë studimet në këtë universitet i cili u akreditua së fundmi. Në këtë universitet dhe veçanërisht, për degët: Mjekësi, Farmaci dhe Stomatologji, konkurrentët duhet të kenë një mesatare të lartë, mbi 8.5.

Ka një tolerancë për të pranuar mesatare më të ulët për degët: Infermieri, Fizioterapi, Mami e të tjerë, të cilët këtë vit akademik do të pranohen me mesatare mbi 7.5.

Ky vendim është marrë më 31 janar 2018 nga senati akademik Universitetit të Mjekësisë dhe i është dërguar tashmë për dijeni Ministrisë së Arsimit.

Publikimi i kritereve të pranimit të studentëve të rinj për vitin akademik 2018-2019 bën të mundur një orientim më të mirë dhe në kohë, për maturantët që përfundojnë studimet në fund të këtij viti mësimor. Universiteti i Mjekësisë ka publikuar edhe formulën e përllogaritjes së mesatares së maturantëve.

Kliko: umed.edu.al.

Alma Demiraj