shk112019
Dita kundër epilepsisë. Në shtim, mundësitë e reja terapeutike
"Hulumtimi shkencor është shumë aktiv në fushën e epilepsisë dhe barna të reja hidhen periodikisht në treg, duke shtuar mundësitë terapeutike që janë në dorë të neurologut, si në të mirën e aderencës terapeutike, ashtu edhe të cilësisë së jetës së atyre që vuajnë nga epilepsia".
Kjo është vënë në dukje me rastin e Ditës Kombëtare të Epilepsisë, që festohet më 11 shkurt në Itali, nga Umberto Aguglia, Koordinator i Grupit Studimor të Epilepsisë në Shoqatën Italiane të Neurologjisë (SIN). Hulumtimi, për më tepër, bën hapa përpara dhe aktualisht, mundësitë terapeutike të disponueshme krijojnë mundësi për kontrollin e plotë të krizave epileptike në 70% të subjekteve.
"Te disa subjekte rezistente ndaj trajtimit farmakologjik, saktëson Prof. Aguglia, është e mundur t'i drejtohemi kirurgjisë, duke ndërhyrë drejtpërdrejt në zonën e trurit ku burojnë krizat. Gjithashtu, vitet e fundit, falë teknikave të reja të rezonancës magnetike dhe të kërkimeve gjenetike, është përmirësuar mundësia për të njohur shkaqet e epilepsisë dhe për të ndjekur, kur është e mundur, një terapi të personalizuar për pacientin".
Shumë epilepsi që shfaqen në moshën e fëmijërisë, janë të trashëguara dhe, ndonjëherë, mund të zhduken me kalimin e viteve. Truri, në fakt, është një strukturë dinamike që zhvillohet, rritet dhe modifikohet me kalimin e kohës. Në subjektet e moshuara, në fakt, janë lezionet cerebro-vaskulare (ishemike ose hemorragjike) dhe hipertensioni arterial që ndërtojnë faktorët më të rëndësishëm të rrezikut.
"Fushatat informative janë të rëndësishme në luftën kundër epilepsisë, një patologji ende e rrethuar nga paragjykime dhe keqinformim", përfundon profesor Aguglia.