maj62019
Amfotericina B: një shpresë në terapitë e reja për fibrozën cistike
Amfotericina B, një molekulë e vogël që formon kanale jonike jo selektive, mund të arrijë të rikthejë vetitë antiinflamatore të mushkërisë te pacientët me fibrozë cistike, duke zëvendësuar një kanal proteinik që mungon. Këtë e sugjeron një studim i publikuar në "Nature".
"Ashtu siç mund të bëjë të mundur një pajisje protetike rifitimin e shumë funksioneve për dikë që nuk ka një gjymtyrë, edhe amfotericina mund të funksionojë si një kanal i bikarbonatit dhe të rikthejë mekanizmat mbrojtës të rrugëve të ajrit", shpjegon Martin Burke (Universiteti i Ilinoisit në Urbana-Champaign), që ka udhëhequr grupin e studimit. Në veçanti, në kulturat primare të epitelit të rrugëve të ajrit nga personat me fibrozë cistike të shkaktuar nga mutacione të ndryshme, ndërmjet të cilave ato për të cilat verifikohet funksioni i munguar i rregullatorit të përçueshmërisë transmembranore të fibrozës cistike (CFTR), amfotericina ka rikthyer pH, viskozitetin dhe aktivitetin antibakterial të surfaktantit të rrugëve të ajrit.
Përveç kësaj, në një model kafshësh ku është marrë si shembull derri me mutacione CFTR, administrimi i një formulimi lipozomial të amfotericinës dhe kolesterolit, ka rritur pH e surfaktantit të rrugëve të ajrit. Edhe pse amfotericina është dhënë tashmë si antimykotik, ekspertët theksojnë se bëhet fjalë për një substancë që është shumë toksike për qeniet njerëzore, prandaj janë përdorur përqendrime shumë të ulëta ose metoda të tjera për të evituar efektet e dëmshme.
"Duke qenë se amfotericina është një bar i aprovuar tashmë, rrugëtimi drejt përdorimit klinik është më i drejtpërdrejtë. Tashmë është treguar siguria e tij kur administrohet drejtpërdrejt në mushkëri dhe nuk hyn në pjesën tjetër të trupit, pra, mund të shmangim efektet anësore negative për të cilat njihet bari", konfirmon Burke. Autorët nënvizojnë se do të jenë të nevojshme shumë studime të tjera për të bërë të mundur arritjen e përfitimeve nga të gjithë ata që vuajnë nga fibroza cistike, përfshirë ata me mutacione CFTR, që nuk i përgjigjen klasës së barnave aktualisht të disponueshme e që reagojnë pikërisht si korrigjues të defektit të CFTR. David Sheppard dhe Anthony Davis (Universiteti i Bristolit, në Mbretërinë e Bashkuar), në një artikull shoqërues, pyesin veten nëse do të jetë i sigurt një administrim për të gjithë jetën, por shohin në këtë metodikë një mundësi të re terapeutike, edhe për personat me probleme pulmonare të ndryshme nga fibroza cistike.
Nature 2019. Doi: 10.1038/s41586-019-1018-5
https://www.nature.com/articles/s41586-019-1018-5
Nature 2019. Doi: 10.1038/d41586-019-00781-y
https://www.nature.com/articles/d41586-019-00781-y