jan212022
Pikë kthese për Britaninë e Madhe: Jo më kërkesa për green pass dhe maska
Britania e Madhe bëhet "vendi më i hapur në Evropë", duke shkuar drejt eliminimit të plotë të kufizimeve dhe rifillimit të një jete normale. Rekordi "në Evropë" për dozën përforcuese: mbi 60% e mbi 12-vjeçarëve dhe mbi 90% e individëve mbi të 60-at.
Britania e Madhe është kthyer pothuajse në "normalitet": jo më green pass, punë nga shtëpia dhe maska. Këtë e ka bërë të ditur Boris Xhonsoni, duke cituar opinionin e konsulentëve shkencorë sipas të cilëve, vendi duket se e ka kaluar "kulmin" e infeksioneve Omicron në nivel kombëtar, falë edhe rekordit të dozës së tretë përforcuese të vaksinës.
Xhonsoni ka evokuar "kthimin në planin A", duke argumentuar se urgjenca Covid po "hyn në një fazë endemike" në Britaninë e Madhe pas më shumë se një viti e gjysmë pandemi. Heqja e kufizimit vjen përpara afatit të caktuar më 26 janar dhe ka bërë që lideri i opozitës laburiste, Keir Starmer, t'i kërkojë kryeministrit të bëjë publik opinionin shkencor që mbështet përshpejtimin, për të shmangur dyshimin se bëhet fjalë për një manovër që synon "shpëtimin" e karriges së kryeministrit, për shkak të skandalit Partygate dhe jo "garantimin e sigurisë" së qytetarëve britanikë.
Kreu i qeverisë ka thënë se ky vendim është rezultat i politikave të kabinetit të tij, i cili i ka mbrojtur në përgjithësi si "të drejta", çështjet themelore të pandemisë.
Xhonsoni këmbënguli për rekordin "në Evropë" të regjistruar nga Britania në administrimin e dozave të treta përforcuese të vaksinës, të ofruara tashmë për mbi 60% të individëve mbi 12 vjeç dhe për "mbi 90%" të individëve mbi të 60-at. Por, edhe për zgjedhjen për të vendosur një nivel të caktuar kufizimesh ndaj variantit Omicron, krahasuar me "vendet e tjera evropiane", që sipas tij bënë të mundur që ishulli të kthehej mbi nivelet e PIL (public interest litigation) para Covidit, për të shënuar normën e rritjes ekonomike "më të lartë në G7" gjatë muajve të fundit dhe për t'u kthyer në nivelet më të larta historike të normave të punësimit dhe në veçanti, "punësimit të të rinjve".
Në të njëjtën kohë, Xhonsoni paralajmëroi se duhet ende "kujdes", se rregullat për izolimin dhe testimin do të mbeten në fuqi në Angli për momentin, duke njohur e pranuar edhe "presionin" që duhet të përballojnë ende spitalet. Megjithatë, ai ka vënë në dukje "një stabilizim të shtrimeve" në ditët e fundit, me rënie në Londër dhe rënie të përgjithshme të shtrimeve në terapinë intensive.
Për ministrin britanik të Shëndetësisë, Sajid Javid, vendi po përuron një "kapitull të ri" në luftën kundër coronavirusit. Britanikët "duhet të jenë krenarë" për atë që është bërë deri më sot kundër përhapjes së Covidit dhe për faktin se falë të dhënave qetësuese për pandeminë, u njoftua fundi i kufizimeve shtesë anti-Covid të vendosura në Angli nga kryeministri konservator Boris Johnson me Planin B kundër avancimit të variantit Omicron, aktualisht "në tërheqje". Për Javidin, Britania e Madhe bëhet kështu "vendi më i hapur në Evropë" dhe shkon drejt eliminimit të plotë të kufizimeve dhe rifillimit të një jete normale. Në përmbledhjen e asaj që është bërë nga autoritetet shëndetësore muajt e fundit, duke kujtuar në veçanti përpjekjet e "jashtëzakonshme" të fushatës së vaksinimit, ai theksoi se "e gjitha kjo na tregon se mund të jetojmë me Covidin" ashtu siç "jetojmë me gripin".
Burimi: RaiNews