qer302014

FDA hedh në treg një antibiotik të ri, EMA përforcon përdorimin e vaksinës HPV

Food and Drug Administration ka autorizuar hyrjen në treg të një antibiotiku të ri, i prodhuar si në formë orale dhe intravenoze për trajtimin e infeksioneve bakteriale akute të lëkurës dhe strukturave të saj. Bëhet fjalë për tedizolid (Sivextro i Cubist Pharmaceuticals), aktiv kundër infeksioneve të shkaktuara nga disa baktere Gram-pozitivë përfshirë ajo e Staphylococcus aureus methicillino-rezistente. Ky bar është nga të parët që ka marrë përcaktimin e Qualified Infectious Disease Product nga Agjensia Rregullatore Amerikane, e cila ka siguruar dhe rishikimin me prioritet të proçedurës. Antibiotiku gjithashtu është duke u studiuar dhe për trajtimin e pneumonisë bakteriale, transmetuar nga komuniteti dhe përdorimi i mjeteve të ventilimit. Agjensia Rregullatore Europiane ndërkohë ka shpërndarë treguesit për përdorimin e vaksinës anti-HPV, e drejtuar kundër shtameve onkogjenikë 6, 11, 16 dhe 18 të papilloma virus human (Gardasil i Sanofi Pasteur MSD). Vaksina kuadrivalente tashmë është indikuar edhe për parandalimin e lezioneve anale prekanceroze dhe kancerit anal si tek meshkujt dhe tek femrat, bazuar në rezultatet e një studimi klinik të 598 meshkujve homoseksualë mes moshës 16 dhe 26 vjeç të cilët kanë marrë tre doza të vaksinës brenda një viti nga regjistrimi. Efikasiteti i Gardasil në reduktimin e rasteve me lezione anale prekanceroze të gradës 2/3 (AIN 2/3) ishte 74.9% dhe 86,6% për lezione anale prekanceroze të gradës 2/3 e (AIN 2/3). CHMP (Committee for Medicinal Products for Human Use) ka njohur ekstrapolimin e këtyre rezultateve nga popullsia homoseksuale në popullsinë e shëndetshme heteroseksuale për të dyja gjinitë.