kor42014

Rivlerësimi i bromokriptinës

Mos ushqyerja me gji pas lindjes është një vendim që mund të varet nga vullneti i nënës ose i motivuar nga arsye mjekësore, p.sh prania e një infeksioni të transmetueshëm tek foshnja. Për mos  pritur ndërprerjen spontane dhe ndonjëherë problematike të prodhimit të qumështit, përdoren barna agoniste të dopaminës si bromokriptina, e aftë për të kontrolluar mekanizmin fiziologjik të laktacionit në nivel qëndror. Edhe në Itali, përpara se të zëvendësohej nga barna që përmbajnë kabergolin, bromokriptina përshkruhej për të parandaluar ose bllokuar prodhimin e qumeshtit pas lindjes ose pas një aborti, indikim ende i vlefshëm në disa vende europiane si Franca. Dhe është pikërisht  ANSM, Agjensia Franceze e Barnave e cila ngriti çështjen e rreziqeve dhe përfitimeve të mundshme nga përdorimi i bromokriptinës në dozën prej 2.5 mg në rrugë orale, për të bllokuar prodhimin e qumështit. Janë mbledhur raporte në lidhje me ngjarjet e rralla por të rrezikshme me natyrë kardiovaskulare (infarkt i miokardit), ngjarje neurologjike (marrje mëndsh, konvulsione) dhe shqetësime psikike ku përfshihen haluçinacionet dhe episode maniakale lidhur me terapinë. Duke qënë se nuk është përcaktuar ende marrëdhënia shkak/pasojë e marrjes së bromokriptinës dhe shfaqjes së efekteve anësore serioze, Komisioni Europian për Vlerësimin e Rreziqeve për Farmakovigjilencën (PRAC) ka pranuar kërkesën e ANSM dhe ka përcaktuar vlerësimet përfundimtare të barnave që përmbajnë bromokriptinë në listën e çështjeve që duhet të trajtohen në korrik 2014. Vlerësimi nuk mbulon përdorimin e këtij bari për trajtimin e hiperprolattinemisë dhe sëmundjes Parkinson, indikacioni për të cilat është miratuar në Itali.