kor182014

Diabeti, FDA miraton inhalatorin për insulinën

Food and Drug Administration ka miratuar një trajtim të ri për menaxhimin e insulinës nëpërmjet një inhalatori. "Bëhet fjalë për një trajtim të ri për pacientët që kërkojnë të kenë nën kontroll insulinën gjatë ngrënies - shpjegon Jen Marc Guetter, drejtor i Divizionit të Produkteve për Metabolizmin dhe Endokrinologjinë të FDA - dhe miratimi i këtij sistemi zgjeron ndjeshëm gamën e opsioneve për ata që vuajnë nga diabeti" (në SHBA janë rreth 26 milionë). Inhalatori, paralajmëron FDA, nuk është një zëvendësues për trajtimet me veprim të gjatë që janë në formë injeksioni, por vetëm një alternativë për vaktet e ushqimit. Trajtimi "Afrezza", i prodhuar nga Californiana MannKind, është një pluhur me veprim të shpejtë që mund të thithet nëpërmjet një inhalatori të vogël në fillim të vaktit ose brenda njëzet minutave të para, për të përmirësuar kontrollin e faktorëve glicemikë në pacientët e rritur të prekur nga diabeti mellito. Bari u testua në një total prej 3.017 pacientësh (1.026 me diabet të tipit 1 dhe 1.991 të tipit 2) për një periudhë që zgjati 24 javë, duke na dhënë rezultate të rëndësishme. Trajtimi është i kundërindikuar për ata që vuajnë nga astma ose sëmundjet kronike pulmonare dhe nuk u rekomandohet duhanpirësve dhe FDA ka angazhuar kompaninë farmaceutike për të nisur kërkimet mbi efektet afatgjata kardiovaskulare dhe fëmijët. Rasti i MannKind është inhalatori i dytë i miratuar nga Enti Rregullator në SHBA pas dështimit të "Exupera". Miratuar në vitin 2006, inhalatori i Pfizer ishte mjaft voluminoz dhe kishte një përdorim të mundimshëm veçanërisht për karikimin e pluhurit:  u tërhoq nga tregu pas një kohe të shkurtër dhe kostoja e kompanisë farmaceutike që e prodhoi ishte 2,8 miliardë $ prej shitjeve të paarritura.