mar272015
Barna të reja për veshkën policistike, depresionin, çrregullimin bipolar dhe neuroblastomën
Komiteti i Produkteve Mjekësore për Përdorim Njerëzor (CHMP) ka rekomanduar dhënien e autorizimit për Tolvaptan (Jinarc nga Ōtsuka Pharmaceutical Europe Ltd) për të ngadalësuar formimin kisteve dhe humbjen e funksionit renal te të rriturit e prekur nga sëmundja e veshkës policistike (Polycystic Kidney Disease - PKD). Tolvaptan, një antagonist i receptorit V2 i vasopresinës, është tashmë i autorizuar në Evropë, me një dozim të ndryshëm, për trajtimin e hiponatremisë. Opinioni i favorshëm i shprehur nga CHMP bazohet në një studim të zhvilluar në mbi 1.445 të rritur të prekur nga Sëmundjet Kronike të Veshkave, ku rezultatet e tre viteve kanë treguar një progresion të ngadalshëm të sëmundjes te individët e trajtuar me këtë bar në krahasim me ata që kishin marrë placebo. CHMP ka rekomanduar një monitorim shtesë për rrezikun e dëmtimit të mëlçisë nga përdorimi i Tolvaptanit, pasi ata që përdorën këtë bar gjatë studimit kishin një numër më të madh reaksionesh serioze negative në mëlçi.
Administrata amerikane e barnave, FDA ka aprovuar Vilazodon (Viibryd nga Actavis) në një dozë 20 mg për t'u marrë një herë në ditë. Kjo është një dozë më e ulët nga ajo që ishte hedhur më parë në treg ekuivalente me 40 mg, duke përmirësuar rregullimin terapeutik sipas nevojave të pacientit. Bari është një frenues selektiv i serotoninës dhe agonist i pjesshëm i receptorit 5HT1 i indikuar për trajtimin e çrregullimeve depresive madhore.
Agjencia rregullatore amerikane ka lejuar zgjerimin e përdorimit të Asenapinës (Saphris nga Actavis) për përdorim pediatrik, te fëmijët e moshës 10 dhe 17 vjeç me çrregullim bipolar të tipit 1, si monoterapi për ndërhyrjen akute në episode maniakale ose të përziera. Së fundi fundi, FDA aprovon për trajtimin e fëmijëve me neuroblastomë me rrezik të lartë Dinutuximab-in (Unituxin nga United Therapeutics Corporation). Bari indikohet për përdorim bashkë me faktorin stimulues dhe kolonitë e granulociteve-makrofage (GM-CSF), për interleukinën-2 dhe për acidin 13-cis-retinoik, për pacientët e vegjël të cilët kanë pasur të paktën një përgjigje të pjesshme ndaj një terapie të linjës së parë.