sht62024
EMA konfirmon masat për të minimizuar rrezikun e efekteve anësore serioze me barnat që përmbajnë pseudoefedrinë.
Komiteti i barnave për përdorim human i EMA-s (CHMP) miratoi masat e rekomanduara nga Komiteti i Vlerësimit të Rrezikut të Farmakovigjilencës (PRAC), për të minimizuar rreziqet e sindromës së encefalopatisë posteriore reverzibile (PRES) dhe sindromës së vazokonstriksionit cerebral reverzibil (RCVS) për barnat që përmbajnë pseudoefedrinë.
PRES dhe RCVS janë gjendje të rralla që mund të përfshijnë zvogëlim të furnizimit me gjak në tru, duke shkaktuar potencialisht komplikime serioze, kërcënuese për jetën. Me diagnostikimin dhe trajtimin e menjëhershëm, simptomat e PRES dhe RCVS zakonisht tërhiqen.
CHMP konfirmoi se barnat që përmbajnë pseudoefedrinë, nuk duhet të përdoren te pacientët me presion të lartë të gjakut, që është i rëndë ose i pakontrolluar (që nuk trajtohet, ose që është rezistent ndaj trajtimit), apo te pacientët me sëmundje të rëndë akute (të papritur) ose kronike (afatgjatë) të veshkave ose insuficiencë.
Përveç kësaj, profesionistët e shëndetit duhet t'i këshillojnë pacientët që ta ndërpresin menjëherë përdorimin e këtyre barnave dhe të kërkojnë trajtim nëse shfaqin simptoma të PRES ose RCVS, të tilla si: dhimbje koke të forta me fillim të papritur, mundim, të vjella, konfuzion, konvulzione dhe shqetësime vizuale.
Rekomandimet pasojnë një rishikim të të gjitha të dhënave të disponueshme, duke përfshirë edhe të dhënat e sigurisë pas marketingut, të cilat arritën në përfundimin se pseudoefedrina është e lidhur me rreziqet e PRES dhe RCVS. Gjatë rishikimit, PRAC kërkoi këshilla nga një grup ekspertësh, në të cilin bënin pjesë mjekë të përgjithshëm, otorinolaringologë (specialistë në sëmundjet e veshit, hundës, fytit, kokës dhe qafës), alergologë (specialistë në trajtimin e alergjive) dhe një përfaqësues i pacientëve. PRAC shqyrtoi edhe informacionin e paraqitur nga një palë e tretë që përfaqëson profesionistët e shëndetit.
Informacionet mbi të gjitha barnat që përmbajnë pseudoefedrinë do të përditësohet për të përfshirë rreziqet në lidhje me PRES dhe RCVS, si dhe masat e reja që duhet të ndërmerren. Kufizimet dhe paralajmërimet janë përfshirë tashmë në informacionet e produktit të këtyre barnave për të reduktuar rreziqet ishemike kardiovaskulare dhe cerebrovaskulare (që përfshijnë furnizimin e reduktuar me gjak në zemër dhe tru).
Opinioni i CHMP-së do t'i dërgohet Komisionit Evropian, i cili do të nxjerrë një vendim ligjërisht të detyrueshëm në të gjithë BE-në.
Informacion mbi pacientët
• Një rishikim i gjerë i BE-së ka gjetur se barnat që përmbajnë pseudoefedrinë mund të shkaktojnë sindromën e encefalopatisë posteriore reverzibile (PRES) dhe sindromën e vazokonstriksionit cerebral reverzibil (RCVS), gjendje të rralla që mund të përfshijnë furnizimin e reduktuar me gjak në tru. Kjo vjen pas një vlerësimi të të gjitha të dhënave në dispozicion, duke përfshirë edhe disa raste të raportuara të këtyre gjendjeve.
• Mos merrni barna që përmbajnë pseudoefedrinë nëse keni presion të lartë të gjakut që është i rëndë ose i pakontrolluar (që nuk trajtohet ose rezistent ndaj trajtimit) ose nëse keni sëmundje të rëndë akute (të papritur) ose kronike (afatgjatë) të veshkave ose insuficiencë të veshkave, pasi këta janë faktorë rreziku për zhvillimin e PRES ose RCVS.
• Ndaloni menjëherë përdorimin e barnave që përmbajnë pseudoefedrinë dhe kërkoni ndihmë urgjente mjekësore nëse zhvilloni simptoma të PRES ose RCVS, si: kokëdhimbje të fortë me fillim të papritur, mundim, të vjella, konfuzion, konvulzione dhe ndryshime në shikim.
• Nëse keni ndonjë pyetje ose shqetësim në lidhje me barnat tuaja, flisni me mjekun ose farmacistin tuaj.
Informacion për profesionistët e kujdesit shëndetësor
• Një rishikim i EMA-s ka gjetur se barnat që përmbajnë pseudoefedrinë janë të lidhura me rreziqet e sindromës së encefalopatisë posteriore reverzibile (PRES) dhe sindromës së vazokonstriksionit cerebral reverzibil (RCVS), gjendje serioze që prekin enët cerebrale të gjakut. Kjo pason një vlerësim të të gjitha të dhënave në dispozicion, duke përfshirë disa raste të raportuara të këtyre gjendjeve.
• Nuk u raportuan raste fatale të PRES ose RCVS dhe shumica e rasteve u shëruan pas ndërprerjes së barit dhe trajtimit të duhur.
• Barnat që përmbajnë pseudoefedrinë nuk duhet të përdoren nga pacientët me hipertension të rëndë ose të pakontrolluar, apo me sëmundje të rëndë akute ose kronike të veshkave ose insuficiencë renale, pasi këta janë faktorë rreziku për zhvillimin e PRES ose RCVS.
• Pacientët duhet të këshillohen të ndërpresin trajtimin dhe të kërkojnë ndihmë të menjëhershme mjekësore nëse zhvillojnë simptoma të PRES ose RCVS, si: kokëdhimbje e papritur, e fortë ose e rrufeshme, nauze, të vjella, konfuzion, konvulsione dhe/ose shqetësime vizuale.
• Rreziqet e PRES dhe RCVS duhet të merren parasysh krahas rreziqeve të tjera që lidhen me barnat që përmbajnë pseudoefedrinë, duke përfshirë edhe ngjarjet kardiovaskulare ose ishemike.
Për më shume detaje: https://www.ema.europa.eu/en/medicines/dhpc/pseudoephedrine
Lista e barnave në Shqipëri që përmbajnë përbërësin aktiv pseudoefedrinë:
Ibucold Plus (Ibuprofen + Pseudoephedrine Hydrochloride + Chlorpheniramine Maleate)
Ibucold C (Ibuprofen + Pseudoephedrine Hydrochloride + Ascorbic Acid)
Rhinostop Hot (Paracetamol + Pseudoephedrine Hydrochloride)
Iburamin Cold (Ibuprofen + Pseudoephedrine Hydrochloride + Chlorpheniramine Maleate)
Nogrippin Forte (Paracetamol + Oxolamine Citrate + Chlorpheniramine Maleate + Pseudoephedrin Hcl)
Dolohot (Paracetamol + Pseudoephedrine Hydrochloride + Chlorpheniramine Maleate)
Rinodeks Plus (Pseudoephedrine Hydrochloride + Dextromethorphan Hydrobromide + Chlorphenamine Maleate)
Rinodeks (Pseudoephedrine Hydrochloride + Chlorphenamine Maleate
Parol Hot 500mg/60mg/4mg Powder Sachet For Single Use (Paracetamol + Pseudoephedrine Hydrochloride + Chlorpheniramine Maleat)
Tanflex Coldaway (Ibuprofen + Pseudoephedrine Hydrochloride)
Daleron Cold 3 (Paracetamol + Pseudoephedrine Hydrochloride + Dextromethorphan Hydrobromide)
Rhinostop (Paracetamol + Pseudoephedrine Hydrochloride + Chlorpheniramine Maleate)
Rhinostop Syrup (Paracetamol + Pseudoephedrine Hydrochloride + Chlorpheniramine Maleate)
Rinasek Tablet (Pseudoephedrine Hydrochloride + Triprolidine Hydrochloride)
Rinasek Syrup (Pseudoephedrine Hydrochloride + Triprolidine Hydrochloride)
Defrinol Forte (Pseudoephedrine Hydrochloride + Ibuprofen)
Griport (Paracetamol + Chlorpheniramine Maleate + Pseudoephedrine Hcl)
Tylol Hot (Paracetamol + Chlorpheniramine Maleate +Pseudoephedrine Hydrochloride)
Nurofen Cold And Flu(Ibuprofen + Pseudoephedrine Hydrochloride)
Caffetin Cold (Paracetamol + Pseudoephedrine Hydrochloride + Dextromethorphan Hydrobromide + Ascorbic Acid)
Tylol Hot-D (Paracetamol + Chlorpheniramine Maleate + Pseudoephedrine Hydrochloride)
A-Ferin Plus (Paracetamol + Pseudoephedrine Hydrochloride + Chlorpheniramine Maleate
Ibucold (Ibuprofen +Pseudoephedrine Hydrochloride)
Defrinol (Pseudoephedrine Hydrochloride + Ibuprofen)
Tylol Hot Pediatric (Paracetamol + Chlorpheniramine Maleate + Pseudoephedrine)
Grippostad Complex (Acetylsalicylic Acid + Pseudoephedrine Hydrochloride)
Flugo (Paracetamol + Pseudoephedrine Hydrochloride + Chlorpheniramine Maleate)
Burimi: Agjencia Kombëtare e Barnave dhe Pajisjeve Mjekësore