tet12015
Tramadoli në pediatri, studimi i FDA-së mbi risqet e rënda respiratore në metabolizatorët ultra të shpejtë
Administrata e Barnave dhe Ushqimit në SHBA po heton mbi riskun "e rrallë por të rëndë" të frymëmarrjes së vështirësuar te fëmijët dhe të rinjtë më të vegjël se 17 vjeç të trajtuar me tramadol, analgjezik opiod. "Ky risk mund të rezultojë më i madh te fëmijët e trajtuar me tramadol në dhimbjen post-operacion në tonsilektomi apo adenoidektomi", lexohet në një publikim të "Drug Safety Alert".
Edhe pse tramadoli nuk është aprovuar për përdorim pediatrik, të dhënat tregojnë që është përdorur shpesh si "off label" te fëmijët, raporton FDA e cila nënvizon se "mjekët duhet të jenë të ndërgjegjshëm për këtë fakt dhe të marrin në konsideratë përshkrimin e qetësuesve alternative të aprovuar nga FDA për fëmijët".
Pasi gëlltitet tramadoli metabolizohet në mëlçi në formën aktive të opiodit. Disa individë me variacione gjenetike që përcaktojnë një konversion të tillë në mënyrë më të shpejtë se sa normalja (të njohur si metabolizatorë "ultra të shpejtë") kanë mundësi që të kenë një sasi më të madhe të formës aktive të opiodit në gjak krahasuar me subjektet normale. Kjo gjë paralajmëron marrjen e një doze të vetme orale tramadoli të përshkruar për të lehtësuar dhimbjen post-adenotonsilektomi. Në rastet kur është tepruar me dozat pas shfaqjes së problemeve të rënda me frymëmarrjen, është dashur trajtim emergjent i shoqëruar me shtrim në spital.
"Në vijim", nënvizon FDA, "është verifikuar se fëmija ishte një metabolizator ultra i shpejtë dhe janë gjetur në trup nivele të larta të O-desmetiltramadoli". Aktualisht agjencia po vlerëson të gjitha informacionet mbi këtë risk dhe do të publikojë përfundimet finale dhe rekomandimet për publikun sapo revizionimi të ketë përfunduar.
"Trajtimi i dhimbjes te fëmijët është i rëndësishëm sepse mund të çojë në rikuperim më të shpejtë dhe komplikacione më të vogla, ndërsa dhimbja e pa trajtuar mund të shkaktojë pasoja fizike dhe psikologjike për një kohë të gjatë", shkruhet në komunikatën e FDA-së. "Janë në dispozicion barna të tjera kundër dhimbjes që nuk shkaktojnë efektin anësor të frymëmarrjes së vështirësuar, të cilat janë aprovuar nga FDA për përdorimin te fëmijët", saktëson agjencia.
Fda. Tramadol: Drug Safety Communication - FDA Evaluating Risks of Using in Children Aged 17 and Younger. MedWatch Safety Alerts for Human Medical Products. 2015 Sep 21.
ttp://www.fda.gov/Safety/MedWatch/SafetyInformation/SafetyAlertsforHumanMedicalProducts