pri92018
Konfirmohet efikasiteti dhe siguria e dabigatran-it në botën reale
Studimi Gloria-AF ka konfirmuar efikasitetin dhe sigurinë e dabigatranit në botën reale, me përqindje më të ulëta të hemorragjisë (0,97%) dhe të iktusit (0,65%). Rezultatet sapo janë prezantuar në kongresin vjetor të Shoqatës Europiane të Ritmit të Zemrës (EHRA). Ato vijnë nga analiza paraprake e të dhënave të studimit GLORIA‐AF, një nga studimet më të mëdha perspektive ndërkombëtarë, për përfshirjen në praktikën klinike të antikoaguantëve oralë për parandalimin e iktusit në subjektet me FANV (fibrilacion atrial jo valvolar).
Autorët, të koordinuar nga Gregory Lip, profesor i mjekësisë kardiovaskulare në Universitetn e Birmingamit, kanë ekzaminuar të dhënat dyvjeçare të trajtimit me dabigratan në rreth 5000 subjekte me FANV, duke konfirmuar profilin e sigurisë dhe efikasitetin e barit që përkon plotësisht me atë që është vënë re në analiza të tjera në lidhje me përdorimin në jetën reale, si dhe në studime klinike me përzgjedhje rastësore.
"Rezultatet e përfshirjes afatgjatë në jetën reale, janë të rëndësishme për kardiologët, duke qenë se kontribuojnë në kuptimin më të gjerë të sjelljes së një bari antikoagulant oral si dabigatrani, në praktikën e përditshme klinike", komenton kërkuesi, duke shpjeguar se kjo analizë e re e kohëve të fundit e studimit GLORIA‐AF2, kishte si qëllim të vlerësonte sigurinë e terapisë së pandërprerë me dabigratan te pacientët që i janë nënshtruar një ndërhyrjeje kardiovaskulare.
"Në bilanc, përqindja e hemorragjisë dhe e iktusit/embolisë sistemike, kanë qenë jashtëzakonisht të ulëta", vazhdon autori, duke saktësuar se është verifikuar një rast i hemorragjisë dhe një rast i embolisë sistemike gjatë 412 ndërhyrjeve të kryera pa e ndërprerë terapinë antikoagulante. Dabigratani, i prodhuar dhe i tregtuar nga Boehringer Ingelheim me emrin: Pradaxa, është i vetmi antikoagulant oral i drejtpërdrejtë për të cilin ekziston një bar i aprovuar në BE dhe në SHBA, idaricizumab-i, që inaktivizon në mënyrë specifike efektin e tij.
"Antidoti mund të përdoret te pacientët e rritur, në terapi me dabigatran që kanë nevojë për një inaktivizim të menjëhershëm të efektit antikoagulant para ndërhyrjeve kirurgjike të urgjencës ose në rastet e hemorragjive të pakontrolluara që vënë në rrezik jetën e pacientit", përfundon Lip.
Congress of the European Heart Rhythm Association (EHRA), 2018. Abstract 1055 https://www.escardio.org/Congresses-%26-Events/EHRA-Congress