tet122020
Remdesivir. Komisioni evropian nënshkruan marrëveshjen e përbashkët për furnizimin me 500 mijë cikle
Komisioni Evropian ka nënshkruar një marrëveshje të përbashkët prokurimi me kompaninë farmaceutike Gilead për furnizimin me remdesivir (Veklury) deri në 500,000 cikle trajtimi dhe që parashikon mundësinë e shtimit të furnizimit përtej këtij tavani. Kompania, nga ana e saj, njoftoi se ka shtuar vazhdimisht furnizimin me remdesivir që nga tetori, për të përmbushur kërkesën e pritur në rritje dhe shton se "marrëveshja do t'u japë mundësi vendeve anëtare të blejnë sasitë e nevojshme, për të përmbushur nevojat aktuale dhe të ardhshme".
Çmimi i përbashkët, kujton Komisioni, "është një mjet që Komisioni Evropian e ka përdorur tashmë gjatë këtij viti për t'u garantuar vendeve pjesëmarrëse qasje të mëtejshme në pajisjet mbrojtëse personale (DPI), ventiluesit, material diagnostikues dhe barna për njësitë e kujdesit intensiv". Midis 36 nënshkruesve të marrëveshjes aktuale, të cilat marrin pjesë në prokurimin e përbashkët, thuhet në shënim, janë të gjitha vendet e BE-së, vendet e EEA-së, Mbretëria e Bashkuar dhe gjashtë vende kandidate, si dhe kandidatet potenciale (Shqipëria, Republika e Maqedonisë së Veriut, Mali i Zi, Serbia, Kosova dhe Bosnje-Hercegovina) dhe "të gjitha vendet pjesëmarrëse tani mund të bëjnë porosi për të blerë remdesivir drejtpërdrejt". Aktualisht, ky është medikamenti i vetëm për të cilin është dhënë autorizimi i kushtëzuar i marketingut në BE për trajtimin e pacientëve Covid-19 që kërkojnë oksigjen shtesë. Stella Kyriakides, Komisionere për Shëndetin dhe Sigurinë Ushqimore, tha: "Sot ne kemi garantuar qasjen ndaj remdesivirit për të trajtuar deri në 500,000 pacientë që kanë nevojë për të. Po bëjmë gjithçka që kemi në dorë për të siguruar qasje në trajtim të sigurt dhe efektiv kundër Covid-19. Përmes prokurimit të përbashkët të BE-së, ne po fuqizojmë vendet në të gjithë Evropën, që të bashkojnë forcat dhe të kenë qasje në pajisjet dhe barnat thelbësore. Së bashku jemi më të fortë dhe ky është një shembull i solidaritetit evropian kundër Covid-19".
Nënshkrimi i kësaj kontrate të përbashkët të prokurimit ndjek kontratën ndërmjet komisionit dhe Gileadit për të siguruar 33,380 cikle trajtimi me remdesivir, të shpërndara nga gushti në të gjithë BE-në dhe MB-në. Kontrata prej 70 milionë eurosh u financua nga instrumenti i komisionit për mbështetjen e emergjencës (ESI). Falë cikleve të trajtimit të blera me fondet ESI, ishte e mundur të plotësoheshin nevojat e menjëhershme, nga gushti deri në tetor, duke garantuar kështu kujdesin e nevojshëm për pacientët në kushte kritike. Barnat u shpërndanë në disa grupe. Me kontratën e përbashkët të prokurimit, vendet që vendosin të blejnë produktin, do të kenë garancinë e një furnizimi të pandërprerë me remdesivir.
Më 28 shtator, nisi një procedurë e përbashkët prokurimi për furnizimin me pajisje mjekësore për vaksinimin kundër Covid-19, që përfshin 27 lloje pajisjesh të ndara në gjashtë kategori: enë izotermike për transportin e vaksinave, enë mbeturinash, pajisje për injeksion, dezinfektues, pajisje mbrojtëse personale dhe materiale konsumi për anestezi. Është në përfundim e sipër një procedurë e përbashkët e prokurimit për barnat thelbësore për njësitë e kujdesit intensiv dhe në ditët në vazhdim, vendet mund të fillojnë të ekzektojnë porositë. Procedura ka të bëjë me barna të terapisë intensive të gjashtë kategorive (analgjezikë, antibiotikë, relaksues të muskujve, anestetikë, barna të reanimacionit, të tjera).