qer82023
Trajtimi i sëmundjeve kronike nuk ndikohet nga sëmundjet bashkëshoqëruese
Sipas një studimi të publikuar në "PLOS Medicine", efikasiteti i trajtimit për një gamë të gjerë sëmundjesh kronike nuk ndryshon në rastet kur pacienti ka sëmundje të tjera bashkëshoqëruese.
"Shpesh ekzistojnë pasiguri për mënyrën se si duhet të aplikohen trajtimet për patologjitë individuale për pacientët me sëmundje të shumta kronike (multimorbiditet). Ky konfuzion rrjedh, pjesërisht, nga fakti se pacientët me multimorbiditet janë të nënpërfaqësuar në provat e kontrolluara me përzgjedhje rastësore dhe hulumtimet rrallë herë kanë raportuar nëse efikasiteti i trajtimit ndryshon në bazë të numrit të sëmundjeve bashkëshoqëruese ose pranisë së sëmundjeve shoqëruese specifike", shpjegon autori kryesor i studimit David McAllister nga Universiteti Glasgow në Britani.
Studiuesit analizuan të dhënat e 120 provave klinike të kryera gjaatë periudhës 1990-2017, të cilat përfshinin gjithsej 128,331 pjesëmarrës dhe 23 patologji të zakonshme afatgjata, ndër të cilat: astma, diabeti, hipertensioni, osteoporoza dhe migrena. Për çdo studim dhe për çdo lloj trajtimi që, ekspertët analizuan ndërveprimet midis efikasitetit të trajtimit dhe sëmundjeve bashkëshoqëruese. Në të gjithë studimet, përqindja e pjesëmarrësve me tre ose më shumë sëmundje bashkëshoqëruese varionte nga 2.3% (në studimet për rinitin alergjik) në 57% (në studimet për lupusit eritematoz sistemik). Në përgjithësi, nuk u gjet asnjë dëshmi që tregon se sëmundjet bashkëshoqëruese ndikojnë në efikasitetin e trajtimit në të asnjërës prej 23 patologjive të studiuara. Megjithatë, autorët vënë në dukje faktin se studimet nuk ishin krijuar për të vlerësuar variacionin në efikasitetin e trajtimit bazuar në komorbiditet.
"Supozimi standard i përdorur në përmbledhjet e provave është se efikasiteti është konstant midis nëngrupeve. Rezultatet tona sugjerojnë që të paktën për nivele modeste të komorbiditetit, kjo hipotezë është e arsyeshme", thonë studiuesit.
Ekspertët përfundojnë duke deklaruar se informacioni i ofruar nga studimi i tyre mund të përdoret për të ndihmuar ekspertët të vendosin se cilat trajtime duhet të rekomandojnë në udhëzimet klinike.
PLOS Medicine 2023. Doi: 10.1371/journal.pmed.1004176
http://doi.org/10.1371/journal.pmed.1004176