kor42014

Dieta vegjetariane: për të gjitha fazat e jetës

Rreth 7 milionë e gjysëm italianë kanë zgjedhur një dietë që përjashton tërësisht apo pjesërisht ushqimet me origjinë shtazore. Njihet si regjim ushqimor i shëndetshëm, por që duhet të planifikohet si duhet, veçanërisht tek fëmijët.

Dieta vegjetariane në përgjithësi është një mënyrë të ushqyeri që përjashton të gjitha ose një pjesë të ushqimeve me prejardhje shtazore. Në Itali kjo zgjedhje përfshin rreth 10% të popullsisë, kryesisht lacto-ovo-vegetarian, të cilët konsumojnë dhe prodhimet e qumështit dhe vezët përveç frutave dhe perimeve. Në numër më të vogël janë veganët (dietë ku nuk përfshihen ushqimet me origjinë shtazore, peshku, qumështi, vezët dhe mjalti), frutarianët (dietë e bazuar në fruta, fara, mjalt dhe vajra bimore) dhe makrobiotikët (përjashtim i produkteve shtazore, të qumështit, vezët përveç peshkut) kompletojnë kuadrin e atyre që kanë bërë zgjedhje alternative të ushqimit bazuar në arsye personale etike, fetare, mjedisore apo thjesht salutare. Këto dieta përgjithësisht duket të kenë efekte pozitive në shëndetin e organizmit të rritur sepse ndihmojnë në parandalimin e sëmundjeve kronike të rëndësishme falë marrjes në sasi më të ulët të yndyrnave të ngopura dhe kolesterolit dhe pranisë më të madhe të fibrave, magnezit, kaliumit, vitaminës C dhe E dhe fitopërbërës të ndryshëm, me kushtin që të menaxhohen si duhet, ndoshta nën udhëzimin e ekspertëve. Në disa raste mund të jetë i nevojshëm përdorimi i suplementëve, sidomos në dietat me përjashtime të mëdha, për mungesën e mundshme të vitaminës B12, kalciumit, vitaminës D, zinkut dhe acideve yndyrore të polisaturuar me zinxhirë  të gjatë n-3 (acidi eikosapentaenoik EPA dhe acidi dokosaesaenoik DHA). Më të kujdesshëm duhet të jemi tek fëmijët, veçanërisht në qoftë se vendoset të ndiqet një dietë e veçantë që pas ndërprerjes së ushqyerjes me gji.