gus252014

Pijet energjike dhe alkoli një përzierje e rrezikshme

Alarm nga Komiteti Kombëtar për sigurinë ushqimore mbi përdorimin e tepruar nga të rijntë i pijeve me përmbajtje stimulantësh dhe rreziqet rriten nëse  konsumohen bashkë me pijet alkolike, sidomos gjatë verës.

Kujdes me pijet energjike, pijet analkolike që përmbajne substanca stimuluese sepse konsumi i tepruar nuk përjashton rrezikun për shëndetin e njerëzve. E konfirmon Komiteti Kombëtar për Sigurinë Ushqimore i Ministrisë së Shëndetësisë në Itali në një deklaratë që zbardh rreziqet qe vijnë nga perdorimi i njëhershëm i pijeve energjike dhe alkolit. Përdoruesit kryesorë janë të rinjtë nga mosha 18 deri 35 vjeç, por "nuk duhet nënvlerësuar prezenca e konsumatorëve adoleshent" dhe studime të ndryshme në Europë dhe SHBA kanë treguar një prevalencë konsumatorësh në mesin e studentëve. Në Itali, një studim i bërë nga Fakulteti i Mjekësisë dhe Kirurgjisë të Universitetit në Messina, ka evidentuar një konsum të pijeve energjike nga 57% e studentëve. Rreziqet janë të lidhura me përmbajtjen veçanërisht të lartë të kafeinës, e cila mund të arrij në 150 deri 300% më shumë se në pijet më tradicionale që e përmbajnë atë. Përveç kësaj shumë studime vënë në dukje konsumin e shoqëruar me alkol dhe kjo paraqet një "problem serioz për shëndetin publik". 

Rreziqet potenciale janë: mbulimin e efektit depresiv të alkolit e cila bën që konsumatorët të nënvlerësojnë gjendjen e tyre të dehjes; dehidratim; ndryshime në ritmin e rrahjeve të zemrës dhe funksionit renal.
Zbut tonet alarmante Assobibe, Shoqata e kompanive që prodhojnë dhe tregtojnë pije analkolike në Itali, e cila në një deklaratë riafirmon sigurinë e pijeve energjike "janë pije funksionale analkolike, në treg për më tepër se 15 vjet, të cilat janë plotësisht në përputhje me rregulloren. Sasia e kafeinës e përfshirë në një pije 250ml është e njëjtë me atë në një filxhan kafe.