gus62024
Suplementet antioksidante ngadalësojnë degjenerimin makular të lidhur me moshën. Ja, studimi
Me degjenerimin makular të thatë, pacientët humbasin zonat e qelizave fotosensitive në retinë, duke shkaktuar një humbje progresive të shikimit qendror. Kreu i studimit, Tiarnan Keenan deklaroi se tashmë është bërë një kohë e gjatë që disa kombinime të antioksidantëve, vitaminave dhe mineraleve ndihmojnë në ngadalësimin e përparimit të degjenerimit makular të lidhur me moshën (AMD).
Studiuesit theksojnë se kur AMD arrin në një stad të avancuar, trajtimet e vetme të miratuara kërkojnë injeksione të shpeshta intraokulare, me pak efikasitet, rreziqe të mëdha dhe kosto të larta. Duke analizuar regjistrat mjekësorë dhe skanimet e retinës të më shumë se 1.000 pjesëmarrësve në dy studime të mëparshme të randomizuara mbi suplementet ditore për parandalimin e përparimit të AMD, studiuesit kanë identifikuar pak përfitime për pacientët me dëmtime të foveas në pjesët qendrore të retinës.
Megjithatë, në pjesën më të shumtë të rasteve, me konstatim të atrofisë së avancuar (jo në fovea), suplementet kanë ngadalësuar përparimin e sëmundjes me afro 55%, në një periudhë mesatare prej tre vjetësh, krahasuar me individët që kanë marrë placebo. Pacientët në studim kanë marrë kombinime të ndryshme të vitaminave C dhe E, beta karotenit, zinkut, luteinës, zeaksantinës, acidit dokosaheksaenoik dhe eikosapentaenoik, ose një placebo.
"Shikimi ynë qendror është thelbësor për detyrat e të lexuarit dhe drejtimit të makinës. Duke qenë se nuk ka shumë opsione terapeutike me qëllim ruajtjen ose rikthimin e shikimit për individët me AMD të thatë në stad të avancuar, suplementet antioksidante përbëjnë një hap të thjeshtë, duke ngadalësuar humbjen e shikimit qendror edhe për ata individë që janë në stad të avancuar", thotë Keenan. Ai shtoi edhe se pjesë e programit është edhe një studim klinik i parashikuar në të ardhmen e afërt për konfirmimin e këtyre rezultateve.