dhj32018
Hemofilia A. Europa miraton trajtimin e ri
Damoctocog alfa pegol (BAY 94-9027) është miratuar nga Agjencia Europiane e Barnave (EMA) për trajtimin dhe profilaksinë e gjakrrjedhjes te pacientët me hemofili A, që janë trajtuar më parë, duke filluar nga mosha 12-vjeçare.
Njoftimin e ka bërë Bayer-i që nënvizon se "regjimi i profilaksisë së rekomanduar për damoctocog alfa pegol-in është një infuzion çdo pesë ditë, ose në bazë të karakteristikave klinike të pacientit, çdo shtatë ditë ose dy herë në javë. Miratimi bazohet te rezultatet e programit të zhvillimit klinik PROTECT VIII".
"Frekuenca e infuzioneve është sfida më e rëndësishme për personat e prekur nga hemofilia A dhe ne besojmë se damoctog alfa pegoli mund t'i përgjigjet një nevoje të tillë pa dëmtuar mbrojtjen e mirë nga gjakrrjedhjet", konfirmon Elena Santagostino, përgjegjëse e Njësisë Operative të Hemofilisë në IRCCS, Fondacioni Cà Granda, Milano. "Mundësia që të ofrohet një trajtim që është në gjendje të garantojë për një kohë më të gjatë nivele të ruajtura të FVIII të gjakut, pra, një mbrojtje të mirë nga gjakrrjedhja, do t'i lejojë pacientët dhe familjarët që të ndihen të sigurt dhe të mbrojtur nga hemorragjitë."
Miratimi i dactocog alfa pegol-it në Europë shënon një moment të rëndësishëm për këtë vit dhe ndjek miratimin e dhënë tashmë në Shtetet e Bashkuara dhe në Japoni.