mar202023

Si mund të ndikojnë ndryshimet mes dietave në mjedisin rreth nesh?

Artikuj lidhur

19-09-2023 | Një dietë e shëndetshme duhet të përfshijë edhe peshkun dhe produktet e qumështit

19-07-2023 | Remisioni i DM2 mund të arrihet edhe nëpërmjet një diete me bazë bimore

29-08-2023 | Karbohidratet dhe yndyrnat si pjesë e dietës. OBSH-ja përditëson rekomandimet

Dieta vegane dhe ajo vegjetariane prodhojnë sasinë më të vogël të dioksidit të karbonit, ndërsa dieta keto dhe paleo renditen të fundit për sa i përket qëndrueshmërisë dhe cilësive të tyre ushqyese, por ndër të parat për sa i përket emetimeve të dioksidit të karbonit.

Për ta thënë në shifra, studiuesit e Universitetit Tulane, nënshkrues të një artikulli të botuar në "The American Journal of Clinical Nutrition", vlerësuan se dieta keto, e karakterizuar nga sasi të larta yndyre dhe sasi të ulëta karbohidratesh, gjeneron pothuajse 3 kg dioksid karboni për çdo 1000 kalori të konsumuara. Në mënyrë të ngjashme dieta paleo, e cila shmang drithërat dhe fasulet në favor të mishit, arrave dhe perimeve, renditet e dyta për nga cilësia e ulët ushqyese, si dhe prodhon 2.6 kg dioksid karboni për çdo 1000 kalori të konsumuara.

Donald Rose dhe kolegët analizuan cilësitë e dietave duke përdorur të dhënat e më shumë se 16,000 dietave të të rriturve të mbledhura nga National Health and Nutrition Examination Survey (NHANES), e krijuar për të vlerësuar gjendjen shëndetësore dhe nutricionale të të rriturve dhe fëmijëve në SHBA.

Ndryshe nga dietat keto dhe paleo, dieta vegane u zbulua se kishte ndikimin më të vogël në ambjent, duke gjeneruar 0.7 kg dioksid karboni për 1000 kalori të konsumuara, e ndjekur nga dieta vegjetariane dhe ajo peskatariane që ka si bazë peshkun me vaj si sardelet dhe skumbri ose peshkun e yndyrshëm si salmoni dhe trofta, por edhe krustacet dhe molusqet si dhe perimet, frutat, zhardhokët, drithërat dhe bishtajoret. Kjo e fundit renditet ndër të parat për cilësitë e saj ushqyese, e ndjekur nga dieta vegjetariane dhe ajo vegane. Së fundi, dieta omnivorous, e ndjekur nga 86% e pjesëmarrësve në studim, është pikërisht në qendër të klasifikimit të cilësisë dhe qëndrueshmërisë.

"Bazuar në këto rezultate, nëse një e treta e atyre që ndjekin një dietë gjithëngrënëse do të fillonin të ndiqnin një dietë vegjetariane, do të kishte një ndikim mjedisor të barabartë me atë që lidhet me eliminimin e 340 milionë miljeve të përshkuara me automjete pasagjerësh", përfundon Rose.

American Journal of Clinical Nutrition 2023. Doi: 10.1016/j.ajcnut.2023.01.009
http://doi.org/10.1016/j.ajcnut.2023.01.009